Burela, 12 de maio de 2016.- O salón de actos da confraría de escadores San Juan Bautista acolle este xoves e venres as XXIII Xornadas Técnicas Expomar. O alcalde e presidente da Fundación organizadora, Alfredo Llano, salienta a importancia para Burela da celebración desta cita ao ser o porto un referente en todo o litoral cantábrico.
O rexedor salientou que “imos ter uns poñentes de moita altura. Hoxe vai estar Miguel Peña Castellot que falará dos Descartes na política común de Pesca, Carlos Larrañaga abordará o Programa Operativo Español. Despois temos unha coñecida nestas xornadas e aquí é moi apreciada como Carmo García Negro, que vai falar da Valoración da Política Común de Pesca no Presente Pesqueiro”.
Alfredo Llano engadiu que este xoves “imos ter un bo día, imos comezar con bo nivel. Teño que dicir que estas xornadas son unha referencia clara para o sector e debe ser algo que se mova anualmente. É moi eficaz que estas xornadas se fagan no noso concello. Hai que ter en conta que Burela é un referente clarísimo na pesca, en todo o litoral cantábrico é moi coñecido e debe ser un dos pobos impulsores de todo este tema”.
O presidente da Fundación Expomar dixo: “estou observando nos últimos anos que non soamente ven xente do sector, non soamente veñen armadores, mariñeiros ou exportadores, senón tamén ven xente preocupada polo que come ou polas especies que van quedando. Hai un tema que se vai tratar mañá que é a comunicación das alertas sanitarias. Agora mesmo podemos pensar que ao mellor non todo o peixe garda as condicións óptimas cando se pesca, o que son as toxinas, a preocupación de cómo se pesca e onde se pesca, penso que tamén son cuestións que van preocupando a forma de conservar, de conxelar, de comercializar os produtos”.
O alcalde de Burela agarda que “estas xornadas sirvan por un lado para atender á problemática e as preocupacións do sector, pero por outro lado tamén vemos que cada vez acude máis xente atendendo a estas conversas porque son de interese xeral”.
Alfredo Llano “invita a todo o mundo a que participe nestas xornadas. Poden acudir a partir das 16:30 de hoxe e mañá tamén no salón de actos da Cofradía. Van ter poñentes moi interesantes mañá como son Jaime Mejuto, que falará da Situación dos Stocks, José Miguel Mulet da Comunicación das Alertas Alimentarias e Alertas Sanitarias, Javier Garat de Análises e Visión do Sector Pesqueiro e Laura Rodríguez Zugasti de Certificacións MSC e Trazabilidade dos Produtos Pesqueiros”.
E engadiu que “tamén mañá pola mañá imos ter os encontros empresarias que sempre son unha oportunidade para o mundo empresarial, que despois de horas de análise sacan unhas conclusións que penso van ser moi interesantes”.
O rexedor burelés concluíu manifestando que “serán dous días moi activos que van ter repercusión no sector e na xente preocupada que terá oportunidade de coñecer moito máis do que é o mundo do mar”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
