Acúsanme o Partido Socialista de Foz e a Plataforma no pleno de onte de dedazo e de chantaxe por tratar de buscar unha solución aos nosos avós e aos traballadores do asilo de anciáns de Foz. A verdade é que é un bendito dedazo cando tratas de defender o benestar dos teus veciños. Dende logo que teño a conciencia ben tranquila, primeiro por loitar para que a Xunta de Galicia investise aquí cerca de 2.300.000 euros para construír un xeriátrico. Teño a conciencia verdadeiramente tranquila, segundo, por tratar de evitar no día de onte que tanto os residentes como os 15 traballadores se foran á rúa. Estou verdadeiramente tranquilo de tratar de defender o traballo que está facendo a ONG Mensajeros de la Paz e o sacrificio que fixo durante estes últimos anos no noso concello. Chamarme chantaxista por garantir o benestar laboral e social dos meus veciños non deixa de ser un alago, sobre todo cando te acusa un partido como o PSOE, que dentro das súas siglas ten a S de socialista e a O de obreiro, e que chega o día do pleno e nin é socialista, posto que lle dan igual os intereses dos nosos maiores e o benestar dos avós actualmente residentes no asilo, e lle dan igual os intereses dos traballadores de Mensajeros de la Paz que levan alí varios anos exercendo. Co mesmo argumento a Plataforma e o PSOE, con acordos de whatsapp como acusamos no día de onte, denuncian intereses ocultos por parte deste alcalde a favor de Mensajeros de la Paz. Desde logo que nós non temos nada que ocultar; o único que buscamos é dar solución a un problema e que unha boa nova, como é ter unha nova residencia equipada cos últimos materiais do mercado, que non sexa un problema para unha serie de persoas, concretamente 35 residentes e 15 traballadores.
Non sei si pode haber algo máis mezquino que tratar ao alcalde de chantaxista e dedazo por parte duns que se autoproclaman progresistas e o único que fan no pleno, diante de todas estas persoas que alí estaban, é desbordar demagoxia e hipocrisía. Pero algo que é tamén moi grave é que mostran un absoluto descoñecemento do funcionamento do asilo de Foz, das dificultades polas que pasou nestes últimos anos. É posible que aqueles que votaron en contra da proposición do goberno, Partido Socialista e Plataforma, supoño que non estiveron nunca no asilo. Eses mesmos concelleiros que votaron en contra son os mesmos que non quixeron reunirse coa ONG Mensajeros de la Paz para visitar o asilo porque dubidan da obxectividade e das intencións do goberno, da Fundación e de Mensajeros de la Paz.
Estes socialistas e ex socialistas da corporación pensan que o seu compromiso co asilo de anciáns e soamente ir un día cerca do Nadal ao festival a favor do asilo e alí acompañar a traballadores e residentes, mentres que o resto do ano, cando verdadeiramente lles fai falta como era o día de onte, votan en contra.
A verdade é que me sinto tremendamente orgulloso de ser chantaxista e de dedazo dos dereitos sociais e laborais dos nosos veciños. Síntome orgulloso daqueles que votaron a favor: os compañeiros do grupo popular pero tamén os do BNG, deixando atrás o seu ideario político pois desde logo non é sospeitoso de que o ideario do Partido Popular sexa o mesmo ou parecido ao do BNG, pero ambos partidos o único que tratamos de facer é loitar polos intereses dos nosos avós e dos traballadores do asilo.
Polo tanto estou contento da nosa honestidade e de que as acusacións de chantaxe e de dedazo, que fan o Partido Socialista e a Plataforma, que sexan por estas cousas. De verdade que a miña honestidade nunca será posta en dúbida, sobre todo con decisións como a que tomamos onte.
Javier Jorge Castiñeira (alcalde de Foz).
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
