Lugo, 31 de maio de 2016.- A voceira do Grupo Provincial do Partido Popular, Elena Candia, puxo de manifesto este martes a “incapacidade” do goberno da Deputación que dende o ano 2010, data de aprobación da encomenda de xestión en pleno para a construción das residencias, “non creou nin unha soa praza pública en centros de maiores na provincia”.
“Cando chegamos á Deputación en xullo de 2015, nin unha soa residencia contaba cos permisos correspondentes para concertar prazas”, lembrou a popular, quen engadiu que tivo que ser o Goberno do PP o que “desbloqueou os proxectos e solicitou o permiso de inicio de actividade nos centros, como son o da Fonsagrada e Castroverde”.
Candia lamentou a pouca “dispoñibilidade” e a “falta de sensibilidade” dos socialistas e dos nacionalistas aos que “só lles preocupan as residencias en datas electorais, para apoiar aos seus alcaldes”. “Tiñan os proxectos empantanados, paralizados, mentres anunciaban en carteis electorais aperturas de residencias, cando nin tan sequera levaran a cabo a solicitude dos permisos oportunos”, lembrou a popular.
“Non son cribles. Cren que hai alguén que pense que non hai unha praza creada nestas residencias por culpa da Xunta, despois dos antecedentes dados por vostedes na xestión destes centros sociais?”, analizou a popular. Así, a voceira asegurou que “haberá residencias, que van ser unha realidade a pesar da política que vostedes fixeron con estes proxectos” e será, segundo engadiu, “grazas á actitude colaboradora da Xunta, deste grupo e dos concellos”. Neste senso, os populares ofrecéronse a traballar en conxunto co Goberno, e anunciaron a renuncia a todas as dietas, para que dende a Deputación se axilicen os trámites oportunos e se podan contar cos permisos para a posta en funcionamento destes centros sociais “de forma inmediata”.
Con este obxectivo, os populares rexistraron unha emenda, rexeitada por socialistas e nacionalistas, na que pedían que a Deputación axilice os trámites para contar cos permisos oportunos e solicitaron a creación posterior dunha mesa de traballo para planificar as necesidades de apoio por parte doutras administracións (Xunta de Galicia e concellos). Ademais, demandaban que se garantan os principios de non discriminación para todos os centros de maiores públicos. “Está claro o sectarismo político co que se planificaron estas residencias. Deben tratar aos veciños sen discriminacións e deben ser respectuosos con todos os municipios”, matizou.
Polo tanto, Candia deixou claro a “lentitude no desenvolvemento destes proxectos por parte do bipartito, que torpedearon a construción das residencias, asfixiando aos concellos que tiñan que aportar 200.000 euros e os terreos”, ademais de levar a cabo dende a Deputación “investimento público superior aos dez millóns de euros”. Ao mesmo tempo, a popular puxo de manifesto o compromiso da Xunta de Galicia para concertar prazas nestes centros “pero primeiro a Deputación debe xestionar os permisos oportunos, e non só pensar nas residencias en épocas electorais”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
