Lugo, 31 de maio de 2016.- O Grupo Provincial do Partido Popular consegue que a Deputación de Lugo aprobe unha declaración institucional da Corporación, como o están facendo outras administracións, entre elas o Parlamento de Galicia, sobre o futuro das plantas de Alcoa.
Os populares consideran que a declaración institucional é resultado dun acordo entre todos os partidos, o que demostra unidade, o que todos os traballadores de Alcoa e a sociedade da Comarca e a provincia no seu conxunto agardan dos seus responsables políticos.
A voceira dos populares na Deputación, Elena Candia, explicou que “conseguimos convencer ao equipo de goberno que coa situación da factoría Alcoa e dos seus traballadores non se debe facer política” e así, engaden, “os socialistas e os nacionalistas mudaron a idea de levar a pleno unha proposta plenaria co conseguinte debate político e entre todos chegamos a un acordo de apoio unánime sobre o futuro das plantas de Alcoa”.
Na declaración que promoveu o PP maniféstase o interese e preocupación da institución provincial e de todos os seus deputados e deputadas pola situación que atravesan as plantas de Alcoa, nomeadamente en Galicia e con especial mención á de San Cibrao, na Mariña. O texto ocúpase ademais polos efectos que esta situación pode ter sobre os investimentos e a permanencia dos postos de traballo.
Neste senso, Candia quixo agradecer a dispoñibilidade amosada tanto polo presidente da institución, Darío Campos, como polo nacionalista Antón Veiga. “É moi importante que os traballadores vexan que nos asuntos relevantes, a pesar das nosas diferenzas, damos unha imaxe de normalidade, o que tanto precisa esta institución”, considera a popular. “Acadamos que dende esta institución se faga un chamamento a defender a súa continuidade, ao mantemento dos seus postos de traballo así como do investimento nesta empresa, unha das máis importantes da provincia”, recalcou.
Por último, Elena Candia, que compareceu acompañada polo alcalde de Xove e deputado provincial, Demetrio Salgueiro, lembrou que “este grupo estivo reunido con representantes dos traballadores, sendo o primeiro grupo político que se puxo ao seu lado e á súa disposición”.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
