O viveirense Cristóbal Rodríguez, en plena loita polo “soño e o obxectivo” dos Xogos Olímpicos de Rio de Janeiro, estreou onte as V Xornadas Formativas Academia Imdecum no IES Monte Castelo de Burela. O deportista descubriu algún dos detalles da súa especialidade, o pentatlón moderno, con preparación no Centro Galego de Tecnificación Deportiva de Pontevedra, e falou de como pode compatibilizar o deporte de elite cos estudos a distancia de Arquitectura Técnica en Barcelona.
“Querer gañar non che fai gañar, o que che fai gañar é traballar ben” reflexionaba así Cristóbal Rodríguez sobre a constancia, disciplina e sacrificio que implica o deporte. Con 7 horas diarias de adestramento, o mariñán pasa a semana entre Pontevedra, A Coruña e Vigo para traballar as cinco probas do pentatlón moderno, un deporte no que destacan Rusia, Hungría e a República Checa. “Creo que o que mellor se me dá son a natación e a esgrima; no que menos puntos consigo é na carreira. O meu punto forte na esgrima é a paciencia, na natación a resistencia nos últimos metros, onde a maioría acostuma a baixar o nivel; na hípica teño facilidade para adaptarme ao cabalo e no combinado –carreira e tiro deportivo- creo que tiro ben” falaba así das súas calidades o pentatleta.
Incidindo na importancia de formarse academicamente e nas facilidades que hoxe en día ofrecen as universidades aos deportistas para poder compatibilizalo cos seus compromisos competitivos, Cristóbal Rodríguez tamén falou do grande esforzo económico que supón dedicarse ao deporte: “Case ningún deporte está ben remunerado, excepto o fútbol. As axudas en pentatlón moderno céntranse nas institucións públicas, principalmente na Xunta de Galicia, Deputación e na Federación, destinadas a cubrir gastos de competición e desprazamentos. Tamén hai patrocinios privados con material deportivo, como no meu caso coa marca Arena”, explicaba así o mariñán as dificultades de vida para un deportista profesional, que se xogará a súa presenxa en Rio o 26 de maio no mundial de Rusia.
Palmarés de luxo
Aos seus 25 anos, Cristóbal, que comezou a practicar deporte por consello médico, tras serlle diagnosticada asma bronquial, posúe un impoñente palmarés: campión de Europa de Biatlón, Equipos Nacionais 2006; Bronce Relevo Mixto Campionato de Europa 2009; tres veces campión de España Absoluto; 13 medallas en Campionato de España; 7 anos consecutivos alcanzado el podium no Campionato de España Absoluto; récord Nacional Absoluto; récord Nacional en Relevo Mixto; e récord Galego Cadete, Xuvenil, Junior e Absoluto.
Próximos citas no IES Monte Castelo coas Xornadas Formativas:
Xoves 26 de maio
“Preparación dun corredor afeccionado”
IES Monte Castelo (Aula de Usos Múltiples), ás 17:00 h.
D. Simón González Río (Atleta corredor de maratóns)
Xoves 2 de xuño
“A Pesca como Deporte de Elite”
IES Monte Castelo (Aula de Usos Múltiples), ás 17:00 h.
D. David Arcay Fernández (Bicampión do mundo de pesca a mosca)
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
