Foz, 10 de maio de 2016.- O alcalde de Foz, Javier Jorge Castiñeira, mostra a súa sorpresa pola negativa de Foz Plataforma de Futuro a que Mensajeros de la Paz xestione o novo xeriátrico, porque de non ser así resultará prexudicial para os traballadores e para os residentes do actual asilo.
O rexedor focense manifesta que “ao equipo de goberno do Concello de Foz a verdade é que nos sorprende moito o non de Plataforma de Futuro a Mensajeros de la Paz, a falta de respecto coa que está tratando os oitenta anos de Asilo de Foz ao non querer que haxa unha transmisión pactada entre os residentes e empregados de Mensajeros de la Paz en Foz”. Javier Castiñeira engade que “estes señores apostan directamente por un sistema que claramente non fai xustiza á labor xeriátrica que se veu facendo no noso concello, non fai xustiza á fundación do asilo, non fai xustiza con Mensajeros de la Paz, non fai xustiza cos traballadores que levan aí varios anos coidando aos nosos maiores en condicións bastante difíciles e non fai xustiza, desde logo, a todos estes residentes, que a día de hoxe coa proposta dos señores de Plataforma de Futuro van ter que buscar outro sitio”.
Castiñeira asegura que “paréceme unha proposta totalmente insolidaria e sobre todo creo que os señores da Plataforma nunca visitaron o asilo, non saben as condicións nas que estes últimos anos estiveron dando este servizo e, desde logo, non coñecen a grandísima labor que fixo Mensajeros de la Paz, que segue coa mesma ilusión que hai doce anos. De feito o pasado sábado en conversación co propio presidente da asociación, o Padre Ángel, en Mondoñedo, comprobei que están ilusionados neste proxecto de continuidade, de estrear estas novas instalacións e de facelo coa xente que estivo aí aguantando, de facelo para Foz, sempre para Foz, tratando de garantir eses postos de traballo que hai inicialmente e intentando crear algún a maiores, como así se vai facer”.
O alcalde cualifica a proposta de FPF de “inxusta, insolidaria e, desde logo, de descoñecemento absoluto por parte de Foz Plataforma de Futuro do que é o Asilo de Foz, do que é Mensajeros de la Paz e do que significa para todos nós un proxecto de continuidade, como o que propón o grupo de goberno polo menos durante estes catro anos, para facer unha transición normal”.
E Javier Castiñeira remata comentando: “diríalle tamén a Foz Plataforma de Futuro que vaia pensando, porque son eles os que o están propoñendo, que van facer con todos os residentes que se queden fóra, que van facer con todas as persoas de Mensajeros de la Paz que se van quedar no paro, a maior parte deles veciños de Foz, e como van reconducir esta situación, simple e sinxelamente por lavarse as mans, non querer que Foz prospere e tratar de seguir poñendo cambadelas, como están facendo durante todos estes últimos días”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
