Burela, 30 de abril de 2016.- O CD Burela FS Pescados Rubén loitou contra vento e marea en terra hostil para cumprir coa súa décimo cuarta vitoria consecutiva e arrebatarlle o liderado ao Atlético de Madrid Navalcarnero na súa casa, co apoio de máis dun centenar de afeccionados laranxas. As pupilas de Lucas remontaron en dúas ocasións a dianteira do Futsi e marcaron o definitivo 2-3 no último minuto, un resultado que lles outorga a primeira praza de Primeira RFEF con 1 punto de vantaxe sobre as madrileñas a falta de catro xornadas para o final ligueiro.
O equilibrio e a intensidade reinaron sobre a pista de La Estación con dous equipos máis que decididos a non cometer erros e sen deixar ceder nin un ápice de cortesía ao rival. As locais conseguiron adiantarse a falta de pouco máis de tres minutos para o descanso nun rexeite tras lanzamento ao segundo pau de María Sanz.
As filas galegas apostaron por imprimir máis intensidade e dominio nos primeiros compases do segundo período. Gaby, no minuto 24, igualou a contenda a balón parado. Os máis de cen afeccionados laranxas tiveron que ver como volvía poñer terra por medio o Navalcarnero, con Amelia, nas proximidades do ecuador da segunda parte, tras recuperación na pista burelista. Armáronse de máis paciencia e coraxe, cun toque extra de concentración as mariñás, para non ceder ante nada; apostaron desde o minuto 30, con Bea Mateos liderando o xogo de cinco. No 36 apareceu a oportunidade de ouro; volveron as merecidas táboas ao luminoso cun penalti transformado por Peque. No último minuto, a animada e ruidosa bancada laranxa estalou de alegría co 2-3 de Peque, en colaboración con Dany.
Vista Alegre acollerá o regreso da liga, tras o Torneo de Moscova (6-8 de maio), o domingo 15 coa visita do Roldán Jimbee FS.
Ficha técnica
Atlético de Madrid Navalcarnero: Estela, Ju Delgado, Leti, Ariane, Amelia, cinco inicial; tamén xogaron Desi, Marta Pelegrín, María Sanz
CD Burela FS Pescados Rubén: Jozi, Dani, Peque, Bea Mateos, Maite, cinco inicial; tamén xogaron Gaby, Claudia, Ceci
Goles: 1-0, minuto 17, María Sanz; 1-1, minuto 24, Gaby; 2-1, minuto 29, Amelia; 2-2, minuto 36, Peque (penalti); 2-3, minuto 39, Peque
Árbitros: David Martín Sanz e Javier Sanz, do colexio madrileño. Por Navalcarnero a Ju Delgado (minuto 36). Por Burela FS a Gaby e Jozi (minuto 29)
Incidencias: Partido correspondente á 26ª xornada da Primeira División RFEF disputado en La Estación con máis de 100 afeccionados laranxas
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
