Lugo, 28 de maio de 2016.- O Grupo Provincial do Partido Popular na Deputación de Lugo denuncia este sábado que o Goberno bipartito venda “só fume” ao anunciar unha nova de ordenanza do Servizo de Teleasistencia Social no Fogar. “Están a enganar aos veciños e especialmente aos nosos maiores e dependentes, ao vender como novidades no servizo de Teleasistencia o que sempre foi así”, precisan, ao tempo que lembran que foi o Goberno de Candia “o que deu o paso para asumir o 100% do custe do servizo”.
Os populares aseguran que co Goberno do PP na Deputación nunca se cobrou ningún tipo de copagamento aos seus usuarios. “Sempre foi unha prestación para todos, cunha asistencia inmediata nos seus propios fogares co sinxelo dispositivo telemático”, explican. A única diferenza establecida dende aquela é a de que coa chegada ao Goberno de Elena Candia a Deputación asume integramente o custe do Servizo de Teleasistencia, que cos socialistas e nacionalistas no ente lucense debían cubrir nun 50% os concellos. É dicir, foi un Goberno popular o que introduciu máis facilidades aos municipios. Polo tanto, “a gratuidade para os usuarios non é unha novidade ”, recalcan.
Deste xeito, dende o Grupo do PP na Deputación critican que o voceiro socialista fale de “melloras, cando non son reais” e explican que no relativo a novas altas, estábase ante un servizo paralizado dende 2007 polo que urxía dar novas inscricións, pero “fano enganando á cidadanía xa que anuncian 500 terminais novos, que xa existían e non se cubrían por desidia e parálise do Goberno provincial”. O prego de licitación do servizo contemplaba 1.555 terminais cun custo de 335.880 euros, publicado no BOP de 14 de marzo de 2013. O máximo de terminais que chegaron a estar operativos foron 1.320, baixando mes a mes sen dar unha soa nova alta coa realidade de que na actualidade son 917 terminais. “Entraron numerosas solicitudes de alta no servizo que nunca se chegaron a materializar”, lamentan.
Pese a que o anuncian como outra novidade, os populares explican que o Servizo de Teleasistencia “sempre foi un servizo profesional e humano, pois eran os traballadores sociais os profesionais que traballaban cos expedientes, non sendo un mero trámite administrativo”. Ademais, dende o Grupo Popular consideran “ridículo” que a Deputación de Lugo afirme que facilita ás persoas usuarias a tramitar a solicitude de prazas directamente na Deputación, cando é sabido por todos que moitas persoas usuarias dos servizos sociais municipais lles costa ata achegarse ao seu propio Concello.
A necesidade dunha nova ordenanza
En canto á ordenanza, os populares din que urxe a súa aprobación porque a que rexe é do ano 2006 e nesta cuestión, engaden, “empezamos a traballar no Goberno do PP, de feito invitáranse aos técnicos de servizos sociais de atención primaria para darlles participación e contar coa súa achega na elaboración da nova ordenanza”. “Cousa que eles non fixeron, ao non contar cos traballadores sociais dos servizos sociais municipais para redactar o novo regulamento, pese a ser quen mellor coñecen a realidade da provincia”, precisan.
De igual xeito, os populares tamén censuran que non se contactase coa Xunta de Galicia para a elaboración deste borrador, xa que dende o Grupo Provincial do Partido Popular defenden que debería ser unha proposta coordinada entre as dúas administracións. Foi a Xunta a que deu resposta a solicitudes que lle correspondían á Deputación que “se dedicou a mirar para outro lado durante anos desatentendo o servizo mentres o resto de deputacións galegas seguían a cubrir as demandas das súas provincias. Lugo foi a única provincia que non concedeu altas nos últimos nove anos”, explican.
Ademais, engaden, “é totalmente falso que diminuíran as persoas consideradas dependentes por parte da Xunta de Galicia, xa que se incrementaron co Goberno de Feijóo e hoxe en día a administración autonómica atende a máis de 5.000 fogares só por teleasistencia, investindo 1,2 millóns de euros.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
