Santiago, 31 de maio de 2016.- O Grupo Popular defenderá no Pleno da vindeira semana a posta en marcha do novo acceso ao porto de Burela no presente ano 2016, así como o impulso da compra pública innovadora en todas as administracións galegas para a mellora dos servizos públicos e exercer un efecto tractor na innovación do tecido empresarial. Así mesmo, a sesión plenaria inclúe a toma en consideración da proposición de Lei do Grupo Popular para a actualización do sistema de transporte público de Galicia.
O portavoz do Grupo Popular, Pedro Puy, salientou a incidencia da proposición de lei de medidas urxentes para a actualización do sistema de transporte público de Galicia. “Consideramos que é unha solución acaída para que o sistema se manteña, se siga modernizando e, ao mesmo tempo, se cumpra a normativa europea respecto das concesións”, sinalou.
A continuación, terá lugar a comparecencia no Pleno do conselleiro de Cultura, Educación e Ordenación Universitaria para informar dos acordos adoptados polo Consello da Xunta en relación co uso en investimento dos novos recursos dos que dispón a Xunta de Galicia como consecuencia de ter xestionado ben as contas nos últimos anos e de ter unha maior marxe para o investimento a través do endebedamento.
“Estamos a falar de arredor de 20 millóns de euros para reformar 372 centros educativos galegos, é dicir, practicamente a terceira parte dos colexios públicos existentes, con obras que van desde a mellora da eficiencia enerxética, á construción de novas instalacións ou melloras das existentes”, sinalou Puy. Ademais, indicou que “este investimento vai ter, polo tamaño das obras e pola diversidade xeográfica das actuacións nos centros públicos, un impacto económico nas economías locais”.
PORTO DE BURELA E COMPRA PÚBLICA INNOVADORA
O Grupo Popular defenderá nesta sesión plenaria dúas proposicións non de lei. A través da primeira, solicítase á Xunta a posta en servizo neste ano 2016 do novo acceso ao porto de Burela. Pedro Puy explicou que esta obra evitará que máis de 400 vehículos pesados atravesen a diario o núcleo urbano de Burela en dirección ao porto ou de saída das instalacións portuarias.
Así mesmo, o Grupo Popular solicitará á Xunta que oriente os seus concursos á adquisición de bens que incorporan actividades de innovación, que non só incentivan a xeración e produción deste tipo de bens senón que tamén melloran a calidade do servizo público.
A orde do día da sesión plenaria incorpora, ademais, dúas preguntas do Grupo Popular ao Goberno. A primeira ten como obxectivo coñecer a valoración que o Goberno galego fai da recente viaxe do Presidente da Xunta a Cuba. Pedro Puy lembrou as recentes encontros que Feijóo celebrou cos presidentes de Arxentina, Uruguai e Cuba, nas que “non só conseguiu chegar a posibles acordos económicos, senón que teñen un significado institucional e político relevante pola capacidade de interlocución con presidentes de repúblicas que van facilitar as exportacións e, ademais, acollen a unha importante colectividade galega”.
A segunda pregunta ten que ver coa valoración que fai o Goberno galego da incidencia da Lei de montes en materia de protección e mellora do monte. O portavoz popular lembrou que Galicia conta con máis de 3.000 comunidades de montes veciñais, que abranguen arredor de 660.000 hectáreas, o que representa o 33 por cento da superficie total de Galicia.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
