1 de xuño de 2016.- O Decreto 86/2015, polo que se establece o currículo da educación secundaria obrigatoria e do bacharelato en Galicia, establece nos seus artigos 30 e 31 cales son as materias que o alumnado deberá cursar, respectivamente, en 1º e 2º de bacharelato; así mesmo a Orde do 15 de xullo de 2015 establece a relación de materias de libre configuración autonómica; e así distribúese a carga horaria global nos seguintes bloques de materias:
Materias comúns a todo o alumando: Filosofía, Lingua Galega, Lingua castelá, Lingua estranxeira e educación física.
Materias comúns a todo o alumnado segundo a opción de bacharelato que escolla.
Materias específicas: das que deben escoller un mínimo de dúas e un máximo de tres dentro dun amplo catálogo de materias cunha carga horaria de dúas, tres ou catro horas semanais. E aquí aparece, como unha máis das materias específicas, segundo o que ordena a LOMCE, a Relixión, cunha carga horaria de unha hora semanal
Materias de libre configuración autonómica, cunha carga horaria de dúas horas semanais.
Materias de libre configuración polo centro docente, sen que se estableza unha carga horaria específica, polo que poden ser dunha ou dúas horas semanais.
A suma de horas lectivas semanais das materias específicas, de libre configuración autonómica, e de oferta do centro docente, ten que ser de seis horas en primeiro de bacharelato, e de oito horas en segundo de bacharelato. Sen esquecer nunca que calquera combinación ten que incluír como mínimo dúas materias específicas, o grupo onde se oferta necesariamente a materia de Relixión.
A onde nos leva esta distribución horaria aparentemente tan posibilista? , pois a unha situación totalmente discriminatoria: en 1º de bacharelato, calquera alumno que queira escoller unha materia específica de tres horas, xunto cunha de libre configuración autonómica de dúas horas (tecnoloxía industrial + robótica por exemplo) necesariamente ten que escoller Relixión para completar o seu currículo de 6 horas porque é a única opción de unha hora que existe no bloque de específicas que a Xunta de Galiza organizou para aplicar a LOMCE, porque as materias específicas están fixadas polo Estado, pero a súa carga horaria fixámola aquí, e a responsabilidade de que a única materia dunha hora que existe dentro dese grupo sexa a Relixión é exclusivamente da nosa Administración Educativa Autonómica.
Mais aínda iso non é todo: a única relixión que, na práctica, se pode escoller é a relixión católica, porque a oferta doutras relixións depende da demanda de alumnado, e aquí non existe, maioritariamente, unha demanda suficientemente ampla de ensino da relixión evanxélica, musulmana ou xudea nos cursos de bacharelato.
En todas as nosas leis educativas, a relixión, calquera, entendeuse como unha opción das familias, que sempre debera ir aparellada coa posibilidade de escoller outra materia, o que coloquialmente se coñece como “alternativa”, para garantir a voluntariedade desa opción como medio para non violentar o que a Constitución establece no seu artigo 16.1 cando di que se garante a liberdade ideolóxica, relixiosa e de culto dos individuos, e no seu artigo 27.3 cando garante o dereito que asiste aos pais para que os seus fillos reciban a formación relixiosa e moral que estea de acordo coas súas propias conviccións.
A imposición da materia de relixión como oferta obrigatoria en bacharelato, e por suposto o seu carácter de materia avaliable e participativa da media do curso, é claramente unha imposición da Igrexa Católica a un goberno que renegou da súa obrigada neutralidade neste eido, e que apostou por favorecer a un grupo de poder económico que, e non é casual, domina unha porcentaxe moi elevada do ensino privado e concertado no noso Estado.
Pero tentar forzar aos nosos fillos e fillas para que escollan esa materia se queren ter abertas algunhas das opcións posibles de bacharelato é unha indignidade, e unha conculcación do dereito á liberdade relixiosa do individuo que non podemos menos que denunciar.
Por iso, a Xunta de Galicia debe modificar o actual marco normativo, e ten capacidade para facelo, para que, en ningún caso, ningún alumno ou alumna, escolla a combinación de materias que desexe escoller, teña que verse abocado sen remedio a cursar unha materia ideoloxicamente identificada, como o é a Relixión Católica.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
