Burela, 16 de xuño de 2016.- A Feira do Libro, as obras do POS ou a sinatura dun convenio entre Deputación de Lugo e Concello de Burela foron algúns dos asuntos que o alcalde, Alfredo Llano, abordou coa institución provincial nas últimas horas.
O rexedor relatou que “na Deputación o que fixen foi ir visitar a Área de Cultura para complementar a idea que ten o noso concelleiro de Cultura, José Díaz, para convidalos a participar na Feira do Libro deste ano, que se celebrará a finais de agosto. Gustaríanos que viñesen cun stand e aseguráronnos que si estarán en Burela participando na nosa Feira do Libro. Tamén analicei con eles a posible concesión dunha pequena axuda, cousa que xa está comprometida e entón contaremos cunha partida económica da institución provincial”.
Alfredo Llano dixo que “tamén estivemos vendo outras cousas de Cultura, que lle preocupan ao noso concelleiro. Estamos a analizar a posibilidade de sacar unha nova edición dun libro que é importante para Burela. Nesta visita confirmei o compromiso da Deputación para axudarnos neste proxecto, pero xa o comunicaremos unha vez que estea pechado e en firme”.
O alcalde burelés contou que “pasei por Presidencia para confirmar unha serie de cuestións que tamén nos preocupan no Concello de Burela como é a realización de obras do POS. Queremos saber si no vindeiro pleno se pechará esta axuda, que é tan importante para os Concellos, xa que este ano verase triplicada a concesión desa contía, segundo parece ser. Si antes se daban 12.000 euros agora todo apunta a que se concederán 36 ou 40.000 euros, que para os Concellos é moi importante”.
Llano engadiu que “tamén me preocupei pola marcha dos orzamentos da Deputación de Lugo para confirmar un convenio coa institución provincial de cara a levar adiante obras que son importantes para Burela. A parte dos asfaltados tamén queremos que ese convenio abarque temas tan importantes como os servizos sociais e educativos e incluso os culturais”.
O rexedor asegurou saír contento desta xuntanza “porque hai unha intencionalidade clara de colaboración e o único que temos que ver son os prazos para que todo isto se vaia materializando. Hai unha obra que queríamos comezar agora no verán que son as casetas do campo de fútbol. Hai que ver o compromiso da Deputación con este asunto, pero nós temos prevista unha contía importante para facer estas casetas que son moi demandadas pola afección e polos xogadores e polos clubs, para que poidan ducharse, cambiarse, e son moi importantes e complementarían o campo de fútbol de herba artificial. En canto poidamos comezaremos inmediatamente con esas obras. Agardamos que algúns destes asuntos se confirmen no vindeiro pleno da Deputación Provincial de Lugo”.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
