Lugo, 30 de xuño de 2016.- A Deputada de Medio Ambiente, Sonsoles López Izquierdo, o Vicerreitor de Coordinación do Campus de Lugo, Javier Bueno Lema; a Alcaldesa do Concello de Mondoñedo, Elena Candia López, e o Decano da Facultade de Formación do Profesorado, Francisco Rodríguez Lestegás, presentaron na mañá deste xoves o curso de verán A Educación na natureza e as intervencións asistidas con animais; que terá lugar os días 20, 21, 22 e 23 de xullo no Concello de Mondoñedo. Esta iniciativa inclúese dentro do Plan de Choque posto en marcha entre o organismo provincial e a Universidade de Santiago de Compostela. No acto tamén participaron a Directora do curso, Lina Iglesias Forneiro, e a Secretaria do curso e Presidenta da Asociación Nenea, Bibiana Marful Castañal.
López Izquierdo destacou que “a Deputación de Lugo sempre será unha administración sensible co eido animal da provincia; e é por iso que sempre ofrecemos e ofreceremos medidas de concienciación social para preservar a flora e a fauna autóctona; porque sabemos que esta é a riqueza máis grande que calquera de nós podemos ter”. Neste senso, a Deputada remarcou que o organismo provincial está a traballar nun proxecto de concienciación coa cidadanía no tocante á tenza de animais domésticos. “Pero queremos ir máis alá, por iso queremos coordinar cos Concellos medidas e propostas que axuden a frear o abandono animal que hai na nosa provincia”, remarcou López Izquierdo.
A través desta iniciativa, dirixida a estudantes de maxisterio, mestres, monitores ou veterinarios, entre outros, danse a coñecer os beneficios da Educación na Natureza e as posibilidades que ofrecen os animais adestrados para a realización de actividades, tanto no ámbito da educación formal como non formal.
Programación do curso de verán
Día 20 de xullo
15:30 a 16:30 horas: Inauguración do curso.
16:30 horas: Educación e Natureza. Tendencias actuais e perspectiva histórica, a cargo de Uxío Otero Urtaza, Profesor da Facultade de Formación do Profesorado de Lugo. 18:30 horas: As Intervencións Asistidas con Cans no ámbito da Educación na Natureza, a cargo de Bibiana Marful Castañal, Presidenta da Asociación Nenea, medrar creando.
Día 21 de xullo
09:30 horas: Panorama actual das Intervencións Asistidas con Animais (IAA) e perspectiva histórica, a cargo de Noemí Haro, Asociación REBICAN (Ponferrada-León). 12:00 horas: Benestar animal e saúde pública, dous aspectos a ter en conta en animais de IAA, a cargo de Cristina Castillo, Profesora da Facultade de Veterinaria da USC. 16:00 horas: O animal de IAA. Características e tipos de Intervencións Asistidas con Animais, da man de Lilyana Alba, Asociación REBICAN.
18:00 horas: A Granxa Escola, espazo para desenvolver a Educación emocional, a cargo de Yolanda Fouce, Asociación Revolta Natural
Día 22 de xullo
09:00 horas: Excursión de dia completo á Cuadra Santa Bárbara en Ponferrada As intervencións asistidas con cabalos. Equipo de REBICAN e da Cuadra Santa Bárbara (León)
Día 23 de xullo
09:30 a 14:00 horas: Presentación de proxectos de Educación na natureza en Galicia 16:00 horas: Deseño de actividades de ocio educativo asistidas con animais: realización dunha Gymkana literaria con cans polas rúas de Mondoñedo.
19:00 horas: Acto de clausura e entrega de diplomas no Auditorio municipal Pascual Veiga
Recoñecidos profesionais
Neste curso de verán da Universidade de Santiago de Compostela participarán recoñecidos profesionais do sector, tanto do ámbito privado, como da propia universidade. Entre eles destacan Uxío Otero Urtaza; profesor e investigador da USC; Bibiana Marful Castañal, presidenta de NENEA, a primeira bosque escola que se abre en Galicia; ou Cristina Castillo Rodríguez, profesora titular do Departamento de Patoloxía Animal da USC. Ademais, tamén participará o equipo de REBICÁN, que tamén colabora coa organización do curso.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
