Mondoñedo, 8 de xuño de 2015.- A alcaldesa de Mondoñedo, Elena Candia, avanza que centrará o segundo ano do seu mandato no impulso á actividade económica da localidade. Así o manifestou no acto de presentación do espazo coworking promovido pola Xunta e a EOI para a promoción do emprendemento. “Este proxecto serviranos para alcanzar esta meta”, sostivo Candia.
A rexedora subliñou a importancia do emprendemento “como un dos piares básicos para avanzar na recuperación económica ao tempo que puxo en valor a iniciativa que hoxe bota a andar en Mondoñedo.
O proxecto promovido pola Xunta suporá un investimento de 800.000 euros en dous anos. O Goberno local, pola súa banda, ofrece as instalacións para os emprendedores, ao tempo que articulará medidas de apoio para os interesados.
A popular explicou que o primeiro ano do seu Goberno o traballo se baseou na busca de financiamento para as inversións en infraestruturas máis importantes, como a Avenida de Bos Aires, a concentración parcelaria, dotacións deportivas ou abastecemento de auga para diferentes núcleos.
O equipo do Goberno que dirixe Elena Candia ocupouse ademais do establecemento de medidas imprescindibles para o crecemento e o ordenamento urbano coa aprobación do PXOM e no avance da relación de postos de traballo do persoal municipal.
Mondoñedo, unha cidade con posibilidades
A alcaldesa avogou por colaborar desde as administracións, desde o máis profundo respecto á lei, e axudar aos emprendedores. “Para iso xorden estas iniciativas que poden ser clave para a consolidación de proxectos que creen emprego”, precisa. Candia destacou a intención e interese de Mondoñedo por “soar en positivo, como unha cidade con posibilidades e onde as administracións dan facilidades para emprender”.
Así, a rexedora popular ofreceu unión e traballo incansable con resto de administracións e Concellos para avanzar no reto do emprendemento.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
