Lugo, 6 de xuño de 2016.- O Deputado de Promoción Económica e Social, Álvaro Santos Ramos, mantivo este luns un encontro coa Deputada do Partido Popular, Mari Teijeiro, co fin de incluír melloras no servizo de Teleasistencia na provincia de Lugo. Esta xuntanza ten lugar logo de que o Goberno provincial decidise no Pleno do mes de maio deixar sobre a mesa a ordenanza deste servizo co fin de presentala “co maior consenso e celeridade posible” destacou o Deputado.
Santos Ramos subliñou que “chegamos ao acordo de convocar unha reunión o vindeiro 14 de xuño, ás 11:00 horas no Pazo de San Marcos, na que participarán todos os grupos da Corporación, alcaldes da provincia, traballadores sociais que fan o traballo nos Concellos da provincia, así como co colexio profesional de Traballadores Sociais de Lugo, co fin de facer unha ordenanza que satisfaga a todos os implicados no servizo”.
Mari Teijeiro agradeceu a decisión do goberno de deixar sobre a mesa esta ordenanza no pleno “co fin de incluír aos profesionais do sector na elaboración da mesma”. A Deputada puxo en valor tamén a “boa vontade do Deputado de sacar para adiante este servizo de vital importancia para os maiores da provincia, sobre todo os do rural”.
Melloras do Goberno Provincial
O Goberno Provincial levou ao Pleno unha ordenanza do servizo de Teleasistencia no que xa se incluían melloras nesta prestación, pero decidiuse deixar na mesa esta proposta para elabora unha ordenanza máis consensuada. As melloras que a Deputación introduciu neste servizo son:
1.- Máis prazas. Increméntanse o número de prazas, ofrecendo máis de 500 novas. Das 917 que hai hoxe, a Deputación poderá financiar ata 1.555 prazas en toda a provincia.
2.- Un servizo máis social. Actualízanse os baremos para a concesión de prazas e introdúcense baremos psicosociais e psicosanitarios. Na actualidade, os criterios para obter unha prazas son a idade, ingresos, apoios familiares, saúde ou grao de discapacidade. Estes mantéñense pero engádense outros como ámbito, acceso ou condicións da vivenda (por exemplo, terase en conta o lugar onde viven os posibles usuarios para primar aos do rural ou os de vivendas lonxe de núcleos poboacións, de difícil acceso…); grao de soidade; capacidade na toma de decisións ou situación familiar.
3.- Un servizo máis profesional e humano. Serán os propios traballadores sociais os que valoren estes novos criterios. É dicir, as persoas que teñen un contacto directo cos usuarios. Polo tanto, a concesión de prazas non será un mero trámite administrativo dende a institución correspondente (Deputación de Lugo ou Concellos), pois os profesionais deste sector serán os encargados de valorar a necesidade da concesión destas prazas unha vez coñecida situación sanitaria e social dos demandantes nos propios fogares. Conséguese un servizo máis profesional e humano.
4.- Máis cooperación cos Concellos e facilidades para os demandantes. Na actualidade, son poucos os traballadores sociais que dispoñen os Concellos, pois trátase de persoal que subvenciona a Xunta de Galicia e que comparten varios municipios. Nin son traballadores propios, nin individuais para cada entidade local. A Deputación pon a disposición dos Concellos o seu propio persoal para, por exemplo, elaborar os informes sociais dos demandantes. Ademais, facilita aos usuarios tramitar a solicitude de prazas directamente na Deputación de Lugo. Tamén poden facelo nos seus propios Concellos.
Gratuíto e para todos
A Deputación presta na actualidade un servizo gratuíto de Teleasistencia a 917 lucenses, que son dependentes, simplemente maiores ou persoas que sofren algunha limitacións en canto a súa autonomía. É unha prestación para todos. Permite unha asistencia inmediata nos seus propios fogares a través dun sinxelo dispositivo telemático. Tamén ofrece unha prestación denominada “Axenda”, que permite o contacto directo e diario vía telefónica dos traballadores sociais cos usuario para, por exemplo, coñecer o seu estado ou se seguen as recomendacións médicas.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
