Novas Xeracións de Burela agradece a consellería de educación e o anterior equipo de goberno as próximas inversións a facer na nosa vila en materia de educación

Burela, a 9 de xuño de 2016.- O pasado martes día 7, o Conselleiro de Educación, Román Rodríguez, anunciou no Parlamento de Galicia novas inversións en materia de millora de infraestructuras educativas. Esta inversión supurá unha cuantía de 369.819,08€ só en Burela. Dende NNXX queremos agradecer a consellería e o anterior equipo de goberno que fosen quen de xestionar estas actuacións e de levalas a cabo con tanta rapidez e eficiencia.

Esta inversión desglósase en tres obras: Cuberta do pavillón do Virxe do Carme, na que se investirán 60.000€. Cuberta do IES Monte Castelo, que supuxo 140.000€. Adecuación de espazo para 3 aulas e almacén no IES Perdouro cun custo de 169.819,08€ a cal pón de manifesto a forte aposta por parte da Xunta de Galicia na FP como garantía de futuro para os nosos rapaces e a rapazas.

Hai que destacar que no que se refire ó pavillón do coleixo Virxe do Carme foi o anterior goberno municipal o que xa millorara os vestiarios e fixera totalmente nova a pista descuberta, ademáis de elaborar o proxecto da cuberta do pavillón e presentalo na Consellería.

No que se refire á ampliación do IES “Perdouro”, indicar que as obras anunciadas son a segunda fase dunha ampliación que en boa parte xa está en servicio, e que no seu conxunto fora anunciada polo Conselleiro nunha reunión celebrada en Lugo en marzo de 2015 co anterior alcalde de Burela e o director do centro educativo.
No relativo á cuberta do IES “Monte Castelo”, a petición fora cursada polo anterior alcalde sendo alcalde e mesmo recentemente sendo portavoz do Grupo Popular, cando o Conselleiro de Educación visitou Burela para ver as obras de ampliación do “Perdouro”, visita á que non acudira nin o actual alcalde nin ninguén do actual goberno municipal.

É importante destacar que todas as inversións realizadas en infraestruturas educativas na nosa vila viñeron da man de gobernos do Partido Popular polo que ese continuo aluvión de críticas o que o Partido Popular está exposto so ten como finalidade a búsquea do rédito político de moitas formacións.

Con estas tres inversións a Xunta de Galicia aposta claramente pola educación pública e de calidade na nosa vila. En plena época de crise, o Goberno de Núñez Feijoo foi e é quen de realizar fortes inversións nun área tan esencial como a educación.

A inversión en educación, xunto coa inversión en sanidade, é a principal ferramenta que un país ten para provocar unha maior redistribución da riqueza e así facer que as rentas dos seus habitantes converxan, é dicir, que exista unha menor diferenza entre os ingresos dos ricos e dos pobres. É por iso que dende NNXX creemos na importancia da inversión en Sanidade é Educación, pero o mesmo tempo somo conscientes das dificultades para mantela, xa que o Goberno de Zapatero deixounos un déficit é unha débeda abismal.