Burela, 02 de Xuño de 2016. Os nacionalistas burelaos queren deixar claro que a iniciativa que levan os populares no parlamento galego con respecto ó acceso ó porto de Burela lles parece moi oportunista, despois de que as veciñas e veciños tivesen que esperar vinte anos, aínda que, por suposto, van apoiar a PNL presentada, conscientes do que supón para o sector pesqueiro na vila. O parlamentario Cosme Pombo visitou este Xoves á maña as obras despois de informar ó consello local do BNG desta iniciativa.
“Agora que prevén que a obra se pode rematar neste 2016 instan á Xunta a que entre en funcionamento neste ano, mentres algunhas organizacións políticas levamos anos reclamando a súa construción, posto que a súa falta foi un retraso para o tecido empresarial e comercial da vila, que xira en torno ó porto” quixo destacar o voceiro do BNG Mario Pillado.
Por outra banda, na agrupación frontista cren que a apertura deste acceso é condición necesaria pero non suficiente para o desenvolvemento dun tecido empresarial e comercial modernizado e capaz de xerar emprego, “á parte desta medida son indispensables a mellora das estradas N-642 e N-634, a solución dos problemas na A-8 e a construción do tramo Barreiros-San Cibrao, esa debe ser unha das bases dun plan de emprego para Burela” salientou Pillado.
Dende o BNG de Burela recordan que levan durante anos demandando todas estas medidas en todas as institución nas que teñen representación, mentres que outros “deberon subir á Noria instalada na praza do concello e foi nese intre cando viron a oportunidade co estado avanzado das obras; mentres algúns fan política dende as alturas outros facémola a pé de rúa” aseverou o voceiro do BNG.
Lamentan que a Banda de Música de Burela se deixase morrer
Anacos de papel amarelos son os que anunciaron a nova da desaparición da Banda de Música de Burela, nos que se sitúa a responsabilidade sobre o actual alcalde e o anterior, mais os respectivos concelleiros de cultura.
Para o BNG alguén debe explicar por qué se produciu este triste feito e que xestión se teñen levado a cabo para evitalo por parte do equipo de goberno. “Cando gobernaba o PP o PSOE ten presentado unha moción en defensa da banda e agora vemos como se desentenden do tema dende o goberno” destacou Pillado, voceiro do BNG.
Dende o BNG agradecen e poñen en valor o esforzo co que todos os que formaban este colectivo chegaron ata este punto. “A dignidade é a palabra que mellor os define, como demostrou o actual presidente da Asociación de Amigas e Amigos da Banda de Burela (AABB) nestes últimos días” dixo Pillado.
Non se entende que se deixe morrer a Banda existindo unha Escola Municipal de Música, desaproveitándose deste xeito recursos que pagamos todos os veciñas e veciños. Tamén cabe mencionar que o actual goberno municipal amortizou a praza de director da banda ao non sacar a oferta pública de emprego para cubrir a vacante que quedou ao marchar o anterior director.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
