Mondoñedo 30 de xuño de 2016.- O Concello de Mondoñedo, a Deputación de Lugo e a USC promoven un curso de verán sobre a educación na natureza e as intervencións asistidas con animais. A iniciativa, que se desenvolverá os días 20, 21, 22 e 23 de xullo no Auditorio Municipal Pascual Veiga de Mondoñedo, está organizado en colaboración coa Asociación Nenea, medrar creando que é a primeira Escola Bosque que se abre en Galicia.
A data para formalizar a matrícula finalizará o día 8 de xullo.
Obxectivo do curso
O curso pretende dar a coñecer aos profesionais que traballan con nenos e nenas os beneficios da educación na natureza e as posibilidades que ofrecen os animais adestrados para a realización de actividades tanto no ámbito da Educación formal como non formal.
Así, vanse realizar varias demostracións en vivo con animais, tanto no curso como na excursión que se realizará o venres dia 22 á cuadra Santa Bárbara en Ponferrada, para ilustrar o tipo de actividades que se poden levar a cabo nos programas de Intervencións Asistidas con Animais.
Destinatarios
O curso resulta de especial interese para estudantes da Titulación de Grao de Mestre/a de Educación Infantil e Primaria, Antigos alumnos e alumnas de Maxisterio, Estudantes de veterinaria, Educadores sociais e monitores de tempo libre. Tamén para pais e nais e para calquera persoa implicada no traballo coa infancia e interesada na Educación na Natureza e nas Intervencións Asistidas con Animais.
Sobre a Asociación Nenea
Nenea é unha escola activa para familias con nenos e nenas de dous a seis anos que se basea en dous pilares fundamentais, a natureza e a arte. Unha escola en plena natureza situada na escoliña unitaria de San Xoán do Alto que pretende crear unha comunidade de aprendizaxe, e que ten como valor engadido a presenza dunha coeducadora canina, chamada Duna. Trátase de introducir a Educación Asistida con Animais dun xeito moi particular.
Relatores
O curso inclúa varios relatorios. A intervención do Profesor Uxío Otero Urtaza, que estará aberta ao público xeral, falará acerca da importancia da educación na natureza, tanto desde a súa perspectiva histórica como as tendencias actuais. O profesora Otero é un experto na temática e coordina o Máster en Dirección de Actividades Educativas na Natureza que se imparte na Facultade de Formación do Profesorado.
Segundo o profesor Otero, un dos problemas da educación actual máis salientables é o afastamento da infancia e a xuventude das contornas naturais. Nas grandes cidades moitos nenos pasan a súa infancia sen coñecer e visitar nunca espazos naturais, sen ter conciencia de que existe un mundo fóra das cidades, de que existen espazos nos que o home non habita, ou que unha parte importante da Humanidade vive en aldeas e espazos altamente rurais lonxe das comodidades da vida urbana. E que a vida urbana é tremendamente sedentaria porque grazas á tecnoloxía apenas é necesario facer esforzos que eran comúns e cotiás fai tan so 30 ou 40 anos.
Bibiana Marful, presidenta de NENEA, o primeiro Bosque Escola que se abre en Galicia, é a secretaria do curso e vai falar especificamente das aplicacións das Intervencións Asistidas con cans no ámbito da Educación Infantil e Primaria e presentará a experiencia de como introducir un can adestrado nun proxecto de Educación na Natureza con nenos e nenas de Educación Infantil e os beneficios que iso se lles está reportando.
Cristina Castillo, profesora Titular do Departamento de Patoloxía Animal da USC, falará da importancia de ter en conta o benestar animal e a saúde pública cando empregamos os animais como ferramenta de traballo e proporcionará pautas concretas ao respecto.
O equipo de REBICÁN, que tamén colabora coa organización do curso, realizará dúas intervencións para falar do panorama actual das Intervencións Asistidas con Animais onde analizarán porqué resultan tan eficaces, cales son os diferentes tipos de intervencións que podemos atopar, así como as características básicas que deben reunir os animais que se empregan con este fin.
Entre o equipo de REBICAN e NENEA, organizarase, o último día do curso unha “xincana literaria asistida con cans” na que haberá ocasión de vivenciar unha actividade de ocio educativo con cans ao mesmo tempo que se poderá coñecer Mondoñedo a través de diferentes actividade polas súas rúas.
O venres dia 22 estará dedicado ás intervencións asistidas con cabalos. Realizaremos unha visita de traballo e ocio ás instalacións da cuadra Santa Bárbara en Ponferrada. Alí, verase como funcionan as intervencións asistidas con cabalos, que tipo de colectivos se ven beneficiados e en que consisten estas sesións. Ademais, asistirase aos coidados e aos requisitos precisos para asegurar o benestar destes animais.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
