Santiago, 29 de xuño de 2016.- O Grupo Popular apoiou esta tarde no Parlamento un acordo unánime que reafirma a súa aposta polo futuro do aluminio en Galicia e se sitúa a carón dos traballadores de Alcoa. O deputado do Grupo Popular Jose Manuel Balseiro felicitouse pola rectificación da oposición “que esta vez si, tras bloquear no pasado unha declaración institucional sobre este mesmo asunto, acorda instar á Xunta a realizar todas as accións encamiñadas a garantir os centros produtivos e postos de traballo desta empresa en Galicia”.
Balseiro lembrou que “acordos similares ao de hoxe xa foron promovidos en distintas institucións, moitos deles polo Grupo Popular, tanto nos concellos das comarcas da Mariña e de A Coruña, como na Deputación de Lugo ou na Xunta Xeral do Principado de Asturias”.
“Precisamente este último serviu de base para a proposta que o Partido Popular defendeu no pasado pleno da Cámara galega e que non prosperou ante a negativa da oposición, que vetou en Galicia o mesmo texto a favor dos traballadores de Alcoa que aceptaban en Asturias ou en Lugo”, lembrou
A importancia da unidade
José Manuel Balseiro salientou a importancia de propiciar este acordo conxunto de todas as forzas políticas xa que, na súa opinión, outorga unha vía de confianza aos traballadores, e unha posición de unidade e fortaleza ante a empresa. “A unidade política é imprescindible e positiva”, apuntou.
O deputado tamén lembrou que se está falando do principal proxecto industrial do aluminio en Galicia, que xera máis de 1.500 empregos directos e 600 auxiliares nos tres centros que existen na Comunidade galega, cunha actividade que representa o verdadeiro motor económico, industrial e laboral da Mariña lucense.
Por este motivo, convidou ás forzas da oposición a “deixar o partidismo a un lado e aprobar por unanimidade este acordo”, pois lembrou que “se está a falar do futuro de miles de persoas, aos que podo poñer un rostro coñecido pois son veciños do concello no que resido e sobre os que pesa a incerteza entorno ao seu futuro laboral”.
Non fallaremos aos traballadores de Alcoa
O deputado popular rematou insistindo en que “o PP e o Goberno galego sempre estarán ao carón dos traballadores de Alcoa porque as súas demandas son razoables e compartidas pola Xunta, polo que farán todo o que estea na súa man para garantir o emprego e o futuro dos traballadores do aluminio galego”.
Nesa mesma liña, insistiu en que a Xunta está vixiante e fai un seguimento diario da estratexia da multinacional para as plantas de A Coruña e San Cibrao, polo que salientou que, a diferenza da oposición, o Goberno Popular avala o seu compromiso con feitos.
“Levamos traballando e apoiando aos traballadores de Alcoa moito tempo. Non os fallaremos, impulsando investimentos como a construción do gasoduto da Mariña, que fixo as plantas máis competitivas, ou a liderando as iniciativas para conformar un modelo enerxético estable para empresas como Alcoa, altamente dependentes do prezo da enerxía”, sinalou.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
