Lugo, 2 de xuño de 2016.- O Grupo Provincial do Partido Popular vixiará que a nova ordenanza do Servizo de Teleasistencia no Fogar naza “froito do diálogo” e conte co “consenso de todos os axentes implicados” tras que a Deputación de Lugo se comprometese, a instancias do PP, a convocar unha mesa de traballo para a súa elaboración e na que tivesen participación os técnicos dos servizos sociais comunitarios dos concellos e os diferentes grupos da corporación.
Así, despois de falar co deputado delegado, o PP emendará o luns o borrador de Ordenanza presentado polo bipartito.
Os populares lembran que o Goberno provincial trouxo ao último pleno da institución un borrador de ordenanza que “ademais de chegar tarde, se deseñaba de costas á corporación provincial, aos concellos e aos técnicos dos servizos municipais. Un texto feito ás presas e sen planificación”. De feito, o bipartito fíxolle chegar ao Grupo Popular un documento o día antes da comisión e outro con modificacións o mesmo día da celebración de dita reunión. Ante esta situación, os populares conseguiron no transcurso da sesión plenaria que o Goberno provincial retirase esta proposta de borrador de regulamento e aceptase traballar en colaboración cos técnicos que “son os que mellor coñecen a realidade da provincia”.
Deste xeito, dende o Grupo Provincial do Partido Popular celebran “receptividade” amosada dende o Goberno provincial e agardan que “respecten a súa palabra e na maior brevidade posible contemos cunha ordenanza que naza do diálogo e do consenso” tal e como sempre demandaron os populares. Tal é esta situación que o Goberno de Candia, defensores da importancia da elaboración dunha nova ordenanza, xa que a actual data do ano 2006, “xa comezara a traballar nela invitando aos técnicos de servizos sociais de atención primaria para darlles participación e contar coa súa achega na elaboración da nova ordenanza”, lembran, e agora piden que “sigan nesa liña”.
Emendas do Grupo Provincial do Partido Popular
Co obxecto de contribuír á elaboración desta ordenanza, os populares teñen elaborado un texto de emendas ao borrador presentado polo bipartito, co que consideran que mellorarían o documento, e que farán chegar ao Goberno provincial o vindeiro luns.
A primeira das emendas dos populares fai referencia ao obxecto da ordenanza. A diferenza do borrador do bipartito, dende o Grupo Popular consideran que este documento ademais de regular a prestación do servizo de Teleasistencia no Fogar, tamén o debe facer coas modalidades complementarias (xeolocalizadores, detectores de fume…), ademais de indicar que o fin prioritario do servizo é o de previr situacións de risco e illamento e promover a autonomía e permanencia da persoa no seu entorno.
En relación aos servizos complementarios, dende o Grupo Provincial do Partido Popular consideran que esta posibilidade de futuro que contempla a ordenanza non está o suficientemente planificada, nin se determina cales son os seus criterios de concesión, nin a achega de financiamento nesta modalidade complementaria por parte da Deputación de Lugo.
Os populares tamén defenden que no artigo que regula as condicións que deben reunir os usuarios, o borrador de ordenanza recolle casos que “non se producen”, como por exemplo, o feito de que un dos requisitos de acceso sexa o de non ter aprobado o Programa Individual de Atención (PIA), cando a Xunta de Galicia deu resposta a todas as solicitudes de Teleasistencia que entraron por dependencia.
A maiores, dende o PP demandan que se consensúe con todos os concellos o baremo único da Deputación, así como o modelo de informe social para que sexa o máis sinxelo posible e facilite a valoración dos técnicos. Os populares piden contar coa opinión do Colexio de Traballadores Sociais de Galicia para valorar a posibilidade de que sexa o técnico social da Deputación o que poda realizar a solicitude e o informe social cando así se indique desde os servizos sociais comunitarios por cuestións de operatividade.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
