Burela, 3 de xuño de 2016.- O Pleno do Parlamento de Galicia disporá, con toda probabilidade a próxima semana, un mandato á Administración autonómica polo que pon data de finalización ás obras do novo viario de acceso ao porto de Burela.
Os deputados do Grupo Popular, Jose Manuel Balseiro, Vidal Martínez Sierra e Alejandro Gómez Alonso son autores dunha proposición non de lei que será obxecto de debate e votación na Cámara galega e na que se reclama a posta en servizo desta infraestrutura na presente anualidade, en 2016.
Os populares lembran que se trata dun acceso viario estratéxico para a localidade e para o conxunto da comarca mariñán chamado a evitar a circulación de máis de 146.000 vehículos pesados ao ano polo núcleo urbano de Burela e a facilitar a entrada e saída ás instalacións portuarias, o que mellorará a seguridade na zona e reforzará a competitividade e actividade económica dun dos peiraos pesqueiros e comerciais máis importantes do Cantábrico.
Múltiples contratempos
Os populares lembran que esta obra financiada desde a Xunta de Galicia sufriu os últimos anos incontables contratempos, desde a paralización xudicial dos traballos pola presentación de distintos recursos que tiveron que resolverse, á aparición de pegadas arqueolóxicas que precisaron dun plan especial de catalogación e intervención.
Amais desde o Partido Popular salientan que a pesar de non ser un novo acceso excesivamente longo –ten 1,26 quilómetros– as obras de execución material precisaron superar relevantes obstáculos e complexos retos técnicos e administrativos, como foi a modificación das vías de FEVE ou facer fronte a elevados desniveis e terraplens
Novo impulso grazas aos gobernos populares
Lembran tamén que desde a chegada ao Goberno do Partido Popular, tanto a nivel autonómico como nacional, especialmente nesta segunda lexislatura e superados os obstáculos administrativos, xurídicos e técnicos, e tras dispoñer da autorización outorgada polo ADIF (axencia estatal ferroviaria) para o desvío da liña de tren, deuse prioridade a unha actuación que tomou especial intensidade a partir de novembro de 2015 e na que a Xunta de Galicia inviste oito millóns de euros.
Aspectos técnicos
As unidades principais de obra centráronse na escavación de preto de 179.00 metros cúbicos de terra e o estendido de mestura bituminosa en quente. A actuación tamén inclúe traballos de restauración e acondicionamento paisaxístico, restauración de patrimonio histórico, drenaxe lonxitudinal e transversal e sinalización horizontal e vertical.
Actualmente o acceso á zona portuaria realízase atravesando o núcleo urbano da vila, coas molestias e a perigosidade que isto supón, tanto para os usuarios do porto como para os propios veciños do municipio, mentres que a nova vía enlazará coa Avenida da Mariña na zona portuaria, á altura da nova lonxa
O novo viario beneficiará directamente a unha poboación de máis de 9.500 habitantes do Concello de Burela, e a unha poboación aínda maior vese incrementada debido ao emprego que xera o porto e a afluencia turística que se xera sobre todo na estación de verán.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
