Burela, 1 de xuño de 2016.- A cuarta edición do Campus de Fútbol Base ‘Máis que Fútbol’ de Burela reunirá a todas as xeracións de fútbol da localidade entre o 11 e o 16 de xullo. Así o deron a coñecer este mércores pola mañá no complexo deportivo da Marosa, escenario do clínic, Juanma Marrube, coordinador da iniciativa dende a Fundación Imdecum, e o presidente e o vogal da AFD Porto de Burela, Jesús Manuel Ares e Iván Cancio, que estiveron acompañados polos presidentes da SD Burela e SD Burela Veteranos, Alberto Rega e Raúl Rouco, xunto ao concelleiro de Deportes, Ramiro Fernández.
“Os verdadeiros protagonistas serán os nenos/as pero teremos o privilexio de que os tres clubs, de tres xeracións diferentes, poidan participar no campus para compartir sabedoría, experiencias e anécdotas cos máis pequenos” explicaba Juanma Marrube na presentación de “Máis que Fútbol”, agradecendo a colaboración tanto das tres entidades coma do Concello, ademais do apoio do CD Burela FS Pescados Rubén e de Gadis, “sen os que esta cita non sería realidade”. Dende a Área de Deportes, Ramiro Fernández, aplaudiu a firme aposta da Fundación pola base: “Imdecum está traballando pola base dende hai anos tanto na promoción da práctica deportiva coma na súa formación; para o Concello é unha prioridade o deporte de base por iso intentaremos colaborar sempre, na medida das nosas posibilidades”.
Ao longo de 6 días os rapaces/as de entre 5 e 14 anos (prebenxamín, benxamín, alevín, infantil e cadete) terán a oportunidade de coñecer máis sobre o fútbol sen deixar de divertirse, compatibilizando adestramentos, campionatos de precisión, pase, tiro…, torneo interno, con piscina, talleres de ocio, a práctica doutros deportes e visitas de interese. Situacións de colaboración-oposición, mobilidade e cambio de roles e toma de decisións serán algún dos temas que se aborden ao longo do clínic, con sesións específicas.
Matrícula
O prazo de matrícula estará aberto ata o mércores 6 de xullo. O prezo por alumn@ será de 130 euros (110 € para AFD Porto de Burela e ED Burela FS), incluíndo actividades en xornada de mañá (10.00-14.00) e tarde (17.00-20.00) e aperitivo de media mañá e merenda. As familias que apunten máis dun nen@ terán un 20% de desconto a partir da segunda matrícula. Abanca: ES90 2080 0109 1630 4002 6828
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
