Burela, 22 de xullo de 2016. Todo está listo para a celebración da I Carreira Nocturna Burela Bonita, que terá lugar este sábado 23 de xullo ás 21.30 horas con saída desde a praza da Mariña. Preto de 200 corredores se darán cita nesta proba. A recollida de dorsais será na praza da abastos esta tarde de 16.00 a 21.30 horas e mañá de 17.00 a 20.30 horas.
O concelleiro de Deportes, Ramiro Fernández Rey, destaca a participaron nesta I Carreira Nocturna: “temos 185 inscritos e algúns deles cun palmarés importante”. O edil socialista agarda que “a proba sexa de nivel e tamén divertida. No Concello estamos contentos co desenvolvemento dos preparativos nestes días previos”.
Nas categorías masculina e feminina establécense tres premios de 200 euros, 100 euros e 50 euros cada unha. E haberá un premio de 100 euros para o primeiro/a corredor/a local.
Fernández Rey anima “a veciños e visitantes a acudir a animar aos corredores no percorrido desta I Carreira Nocturna Burela Bonita”. E subliña que “esta cita é moi importante para nós desde o punto de vista deportivo, pero tamén desde o turístico porque moitos corredores veñen de fora, durmirán no noso pobo e coñecerannos máis de cerca. Burela ten moitas cousas que ofrecerlles aos seus visitantes. Agardamos que disfruten da proba e de Burela e que repitan noutras ocasións”.
Desde a Concellería de Deportes lembran que haberá varias rúas pechadas ao tráfico durante a celebración da proba, desde as nove da tarde e ata as once e media da noite. Son: Castelao, Avenida da Mariña, Pardo Bazán, Curros Enríquez, Rosalía de Castro, Beiramar, Nosa Señora do Carme, Eijo Garay, Travesía do Porto, Concepción Arenal e Basanta Ben e así como todas as vías de acceso ás mesmas.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
