CON PÓLVORA E MAGNOLIAS. A consecuencia inmediata da intentona golpista en Turquía foi a nova do pasado domingo, dous días despois da data de Autos, de que se procedera á detención dos instigadores: entre eles 2.745 membros do corpo xudicial, incluíndo ao Xuíz da Corte Constitucional –a máis alta instancia xudicial do país-.
As reaccións dos distintos actores internacionais non tardaron en desencadearse, á condea unánime de Merkell ou Hollande sumouse unha mensaxe de prudencia que pedía que se xulgara aos golpistas con respeto ás regras. Asemella difícil que se poida respetar nada nun escenario no que o primeiro ministro turco, Erdogán, anunciaba que o pobo ía ter por diante, de seguro, un período de moita calma pero que, sen dúbida, habería moita represión.
Xa pasados máis de dous séculos da formulación da teoría da separación de poderes consumada no Espírito das Leis de Montesquieu da a impresión que a súa postulación teórica segue a ter idéntica vixencia e a súa aplicación práctica segue a ser igual de imperfecta; a purga levada a cabo en Turquía é un exemplo práctico indiscutible.
O estado turco leva xogándose nas últimas datas a súa inclusión como membro da UE a cambio de facer de muro de contención ou parapeto fronte ás masas de refuxiados Sirios que foxen do inferno da guerra, porén, a pesar da evidente falta de lexitimidade democrática tanto do partido do goberno coma dos militares sublevados, o que alí acontece non deixan de ser “cousas de casa” e o prudente é deixar que cada un goberne na súa.
E como se trata de non interferir no doutros, traído a colación da vindeira festividade nacional o próximo día 25 de xullo, cumpre lembrar que hai xa tres anos do accidente ferroviario de Angrois; pasado este tempo da a impresión de que as feridas abertas en torno ao sinistro seguen a estar máis latexantes que nunca, que a data festiva quedou ensombrecida de xeito perenne pola traxedia.
Hai escasos días tíñamos coñecemento do informe confeccionado pola Axencia Ferroviaria Europea a solicitude da propia Comisión; o que determinou devandito documento é que a investigación levada a cabo pola Comisión Española de Investigación de Accidentes Ferroviarios (CIAF) non foi independente e ignorou elementos clave para a determinación de responsabilidades. Entre as eivas da actuación da CIAF facíase especial mención ao análise e pesquisas realizadas coa liña de alta velocidade na que aconteceu o accidente, á seguridade da liña e ás decisións sobre esta materia tomadas por RENFE e por ADIF, sendo consideradas unha violación da Directiva Europea de Seguridade Ferroviaria pola que a Comisión Europea abriu un expediente en España.
O denominador común entre Turquía e Galicia sería o sometemento do poder xudicial ao poder executivo, a ausencia de independencia que determina a conversión dun estado de dereito nun país bananeiro. Por esta razón, rondando os tres séculos da publicación da obra cumbre de Montesquieu, podemos dicir que andaba no certo cando afirmou que non hai peor tipo de tiranía que a que se exerce á sombra das leis e baixo a calor da xustiza.
Pablo Álvarez Ramos.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
