Bruxelas, 19 Xullo2016. Tras a xuntanza mantida onte polo Consello de Ministras/os de Agricultura da UE co obxectivo de abordar, entre outros aspectos, medidas para supostamente paliar a crise no sector leiteiro, este martes o Comisario Phil Hogan compareceu na Comisión de Agricultura do Parlamento Europeo para expor os puntos principais acordados.
En relación ao sector leiteiro, na xornada de onte acordouse a presentación aos Estados membro dun continxente de 500 millóns de euros, dos que 150 millóns irían destinados á fomentar que o sector leiteiro reduza a súa produción, e os 350 millóns restantes a medidas de “axuste” xestionadas polos propios países.
A eurodeputada de Alternativa Galega de Esquerda en Europa (AGEe), Lídia Senra, coordenadora para o Grupo da Esquerda Verde Nórdica-Esquerda Unitaria Europea (GUE/NGL) na Comisión de Agricultura e Desenvolvemento Rural do Parlamento Europeo, denunciou que a presentación dunha nova partida económica supón “incidir nas medidas que xa fracasaron”, en alusión aos máis de mil millóns de euros activados xa entre setembro de 2015 e marzo 2016.
“Unha vez máis asistimos á redundante estratexia neoliberal da Comisión Europea de tentar convencernos de que todo se amaña parcheando con cartos”, abondou, “cando en realidade trátase dun colchón para tentar amortiguar a crise mentres vai chegando a xubilación de moitas produtoras e produtores, sabendo perfectamente que relevo xeracional non vai haber ningún”.
Ademais, alertou, a estratexia de publicitar grandes cantidades económicas dirixidas ao sector constitúe “unha medida propagandística máis ante os contribuíntes, aos que se lles tenta facer crer que as gandeiras e gandeiros son os beneficiados, cando en realidade o que se está a beneficiar é o traspaso da súa produción leiteira cara grandes unidades de produción industrial de leite, aproximándose a modelos como o dos EEUU en lugar de apostar polo mantemento de pequenas e medianas explotacións”. Neste tipo de modelo, 10.000 explotacións con 1.000 vacas de media cada unha e un alto grao de mecanización substituirían ás aproximadamente 650.000 explotacións que traballan actualmente na UE.
Diante desta situación, a eurodeputada de AGEe acusou á Comisión de “trasladar ás gandeiras e gandeiros as responsabilidades do desastre que crearon ca liberalización do sector ao por fin ao sistema de cotas”.
Por último, a eurodeputada galega lamentou que unha vez máis non haxa por parte da UE unha proposta de política leiteira pública, e alertou de que a redución voluntaria da produción pola que apostan as institucións comunitarias vai implicar a desaparición de moitas explotacións na Galiza, e no territorio europeo en xeral: “Precisamos políticas públicas con medidas de regulación da produción e dos mercados; o carácter voluntario non vai garantir para nada a redución dos volumes de producións, so vai garantir sacar do medio explotacións labregas”, criticou.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
