Lugo, 7 de xaneiro de 2016.- A delegada territorial da Xunta, Raquel Arias, e o xerente do Xacobeo, Rafael Sánchez Bargiela, presentaron o programa cultural Vive o Camiño, que se inicia este xoves en Ribadeo e se celebrará durante os próximos catro días tamén en Lourenzá, Barreiros e Mondoñedo.
Esta programación ven a complementar a de Cultura no Camiño, que xa se ven desenvolvendo na comarca e que precisamente este mércores recala tamén en Ribadeo. En total, a Xunta programa 19 espectáculos nos concellos mariñáns da ruta do Norte.
A delegada territorial, Raquel Arias, fixo fincapé no esforzo que está a realizar a Xunta por “enriquecer a experiencia do Camiño, tanto para os peregrinos como para os veciños e veciñas dos municipios polos que atravesan as rutas”.
A programación de Vive o Camiño bota a andar mañá en Ribadeo cun show que combina novo circo, maxia, música e humor, no que actuarán os artistas Isla Letriska, Dani García e Vaamonde, Lamas & Romero.
O venres, día 8, Daboapipa e o Circo Chosco actúan en Lourenzá. O sábado estarán Isla Letriska e Cantata Vernácula en Barreiros, e o domingo Dani García, o Circo Chosco e Talabarte en Mondoñedo.
Así mesmo, dentro de Cultura no Camiño esta tarde actúa Troula Animación ás 20.30 horas no parque de San Francisco de Ribadeo, e o sábado haberá teatro na Casa da Cultura de Lourenzá. Os actos culturais sucederanse nas vindeiras semanas.
O calendario de Cultura no Camiño estará dispoñible para a súa consulta no web da Agadic (agadic.gal/culturanocamino), así como na sección de axenda da páxina de Cultura da Xunta de Galicia (cultura.gal/gl/axenda).
Plan director
Vive o Camiño céntrase nos municipios do Camiño Norte e Primitivo, aos que a Xunta de Galicia adica este ano a actividade promocional dentro do Plan Director do Camiño de Santiago 2015-2021. Visitará 15 concellos de Lugo e 4 da Coruña.
Polo que respecta á provincia de Lugo, a programación percorrerá no Camiño Primitivo os municipios de Lugo, A Fonsagrada, Castroverde, Friol, Baleira e Guntín. No Camiño Norte, realizaranse actividades en Ribadeo, Lourenzá, Barreiros, Mondoñedo, Abadín, Begonte, Trabada, Vilalba e Guitiriz.
O xerente do Xacobeo subliñou o incremento de peregrinos que experimentaron as rutas Primitiva e do Norte dende que foron declaradas Patrimonio da Humanidade, e afirmou que “esperamos un incremento de entre un 8% e un 12% na cifra de peregrinos con respecto a hai un ano”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
