Nas bases de execución dos orzamentos da Deputación, que veñen de facerse públicas estes días, contémplase que todas as subvencións de máis de 40.000 € teñan que ser aprobadas polo Pleno, cuestión á que por outra banda o BNG nunca se opuxo pois sempre estivemos de acordo coa máxima transparencia e medidas de control no uso de cartos públicos.
Para o voceiro do BNG, Xosé Ferreiro, “o que realmente é sorprendente, e que para o BNG nos resulta intolerábel, é que dese control plenario queden exentas aquelas subvencións que propoña o Partido Popular, as cales non terán ningún tipo de fiscalización por parte do Pleno e poderán ser outorgadas directamente polo Presidente ou, o que é o mesmo, poderán ser “caciqueadas” entre o PSOE e PP sen publicidade e sen dar conta a ninguén”. “Isto é un auténtico pacto de goberno entre o PP e o PSOE”, manifestou.
Dende o BNG non se entende como é posíbel que só as subvención que propón un único partido político teñen que estar exentas da correspondente fiscalización do Pleno, crendo ademais que iso é dunha legalidade máis que dubidosa. En todo caso, o PP e o PSOE terán que explicar que teñen que ocultar destas subvencións do PP para que non poidan ter a publicidade que tería calquera outra.
O 30% DO ORZAMENTO EN SUBVENCIÓNS PARA O PP
Do mesmo xeito, tamén nos parece escandaloso que nuns orzamentos dun ente público se faga unha reserva dunha parte dos cartos unicamente para as propostas dun partido político, coma se as necesidades que ten a provincia dependerán da cor política que ten un concello determinado ou se as outras organizacións políticas non tiveran dereito a facer propostas.
“Os cartos públicos deberán ser empregados naqueles lugares onde se necesiten ou onde teñan necesidades, pero nunca en función de quen ostente a Alcaldía ou a cales foran os resultados das eleccións nese concello”, continuou Ferreiro.
Propostas do BNG en materia orzamentaria
Esta é a proba da filosofía do acordo entre o PP e o PSOE para os orzamentos da Deputación e de cal é a forma de repartir os cartos que teñen estes partidos políticos. Todo isto vén a xustificar sen dúbida algunha que o BNG non podía avalar este acordo, un acordo “escuro e caciquil” que vén a perpetuar o reparto de cartos públicos en función de pago de favores e de intereses políticos e non das necesidades das persoas e dos concellos da provincia.
“Por iso, o BNG sempre defenderá na política orzamentaria da Deputación a xestión directa dos fondos por parte dos concellos, repartos xerais con criterios obxectivos así como plans globais que garantan que todos os concellos e todas as persoas poidan ter acceso a ese cartos sen depender do partido político que estea gobernando nese momento”, rematou Ferreiro.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
