Burela, 27 de xullo de 2016. En Burela serán festivos o luns de Entroido e o luns das festas patronais. Esa é a proposta que o equipo de goberno leva ao pleno ordinario que se celebra este xoves. O alcalde, Alfredo Llano, explica que “imos cambiar o festivo nos carnavais. En Burela será festa o luns de Entroido, en lugar do martes, e teremos o noso desfile de carnaval o domingo. Pensamos que deste xeito lle daremos un impulso ao Entroido en Burela e ademais atendemos unha petición que nos realizaron desde a Acia local. Así teremos unha ponte para poder gozar desta festividade”. Na orde do día do pleno tamén figura “facilitar a canalización de gas natural nunha zona próxima ao cemiterio de A Puída”.
Á rescisión do contrato a Celtaprix, a empresa concesionaria do servizo de limpeza en Burela, tamén se referiu o rexedor: “como agora esta firma está en concurso de acredores imos rescindir o contrato e hai que facer a valoración correspondente para xustificar aquilo que consideramos que é de xustiza para o Concello de Burela. Desde o ano 2002 ao 2016 houbo unha serie de compromisos que se deberían ter feito, de tal maneira que se fixo un estudo para saber a qué partes se deu cumprimento e cales quedaron pendentes”. Alfredo Llano contou que “este estudo solicitóuselle a unha empresa para que realizada unha valoración obxectiva e concluíu que CeltaPrix lle adebeda ao Concello case un millón de euros. Nun dos compromisos máis importantes e polo cal o noso Concello solicita esa cantidade, que consideramos que nos corresponde, está baseado en que ían construír unha nave para gardar o material da empresa. Celtaprix gañou no momento ese concurso debido ao compromiso de construción desa nave, que nunca se chegou a construír, e entón a iso hai que darlle un valor económico anual polo cal non se construíu. E o Concello tivo que pagar por un servizo que non se fixo.
No informe realizado por unha consultora dise que “todo isto é demostrable” e subliñou que “eu entendo que o alcalde e a Corporación Municipal deben estar a favor dos intereses do Concello de Burela, entón imos reclamar esa cantidade. E hoxe o señor Barcia saca unha nota de prensa poñendo en dúbida que estea ben feito este estudo para reclamar unha ou outra cantidade. Eu tiven unha xuntanza co xefe de Celtaprix, co xefe da empresa, e argumentou exactamente o mesmo que di o señor Barcia. Isto implica que o señor Barcia está máis a favor de defender á empresa que de defender os intereses dos veciños e do Concello de Burela e iso vai ter que explicalo claramente. Debería tratar de beneficiar aos veciños e ás veciñas de Burela, o que non é de recibo é que estea argumentando o mesmo que a persoa interesada en que iso non vaia para adiante”.
O rexedor burelés engadiu que “a consultora afirma que a empresa tiña que facer unha nave que nunca fixo. Trátase dun estudo serio, contrastado e ben argumentando, que reflicte a realidade do servizo que Celtaprix prestou no Concello. Consideramos de xustiza pedir esta cantidade. Non sei si o proceso se prolongará ou non, pero imos solicitar o que consideramos que se adebeda ao Concello de Burela. Agora, iso si, tamén quedo preocupado lendo a nota do PP, e vendo a coincidencia absoluta entre o PP e Celtaprix. O señor Barcia terá que explicar por qué razón se pon ao lado da empresa, en lugar de estar cos veciños e co Concello de Burela. Iso terá que explicalo e aclaralo. Son preocupantes as manifestacións que está a realizar”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
