Ao traxín habitual do traballo, ao ir e vir de xente, do peixe, ao bulir de camións e chimpíns que cargan e descargan, o pasado xoves día 22 engadiuse a visita subrepticia e repentina dos inspectores de facenda nas lonxas de Burela e Celeiro.
Escoltados pola Benemérita os citados axentes persoáronse nas instalacións de sendos lugares de traballo co obxecto de recabar toda a información comercial das transaccións efectuadas nos últimos catro anos.
Non fai falla ser un experto na materia para coñecer que ese lapso –o de catro anos- constitúe o prazo de prescrición dunha eventual infracción fiscal. Tampouco cumpre ser un erudito para entender que si se efectúa tal labor inspectora é porque a Axencia Tributaria presume a posible concorrencia de irregularidades –é dicir, a existencia de “peixe negro”-.
Segundo afirmacións dos propios implicados, os rexistros tiveron lugar a primeira hora da mañá e prolongáronse ata o mediodía desenrolándose con absoluta normalidade –chama a atención o uso desta expresión ¿Qué se agardaba? ¿a negativa a colaborar coa AEAT? ¿a reacción desairada dalgún armador tirando ao inspector pola borda?..-
O estado, construción poliédrica de moitas caras, representado neste caso na da AEAT, segue a actuar como institución que monopoliza o poder coercitivo, en teoría, baixo a lexitimidade popular e en beneficio do interese colectivo.
E digo en teoría porque asemella que no caso das lonxas non houbo hashtag de apoio como no caso do futbolista arxentino Lionel Messi, o astro culé protagonizou unha campaña de apoio nas redes sociais despois de ser condenado mediante sentenza xudicial pola comisión dun delito contra o erario público.
Á hora de poñer argumentos que poidan facer que o lector gañe máis sensibilidade nun senso ou noutro tan só dicir que segundo datos deste propio ano o sector pesqueiro da Mariña xerou beneficios por un monto de 600 millóns de euros, e a súa influencia non se circunscribe ao eido da comarca dado que a distribución e consumo ten lugar fora dela; sería sensato pensar que o tan reclamado sentimento de solidariedade tivera lugar cos nosos mariñeiros e armadores, coas nosas redeiras e chaboleiras.
En calquera caso, os responsables de Portos de Celeiro e Armadores de Burela amosaban, na literalidade das súas propias verbas, “tranquilidade absoluta”, dun xeito ou doutro trátase tan só dun proceso investigador.
E xa postos a suxerir, este humilde narrador, aconsellaría ao séquito de Montoro que se incentivase o control e inspección sobre a finanzación de partidos políticos; sen ir máis lonxe esta mesma semana gozamos da presencia do empresario catalán de recollida de residuos Gustavo Buesa, tamén coñecido como o rei do lixo. Nun alarde de filantropía digno de encomio doou 500.000 € á campaña de CDC e 100.000 á de Unió no que el mesmo interpretaba coma unha conduta absolutamente axustada á normalidade.
Dicían que David Chase, produtor da exitosa serie Os Soprano, pretendía desmitificar o glamour dos gángsters de Coppola, ben vestidos, ben falados e sofisticados en canto ás súas formas. Non sei a vostedes, pero un servidor pensa, por momentos, estar a vivir no medio dun capítulo da serie ambientada en New Jersey…
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
