Nos últimos tempos puxéronse en contacto cos membros de FPF diferentes veciños do barrio da Espiñeira en Vilaronte, o motivo, o cruce que da acceso a este barrio dende a N-642 e máis fai de enlace coa antiga estrada dirección Barreiros cara a casa de Turismo Rural “A Goleta”. Nos últimos tempos puideron comprobar como hai vehículos que veñen dirección Barreiros –Foz pola antiga estrada e se incorporan á N-642 cando hai sinais que impiden facer esta manobra, así mesmo tamén hai vehículos que van dirección Barreiros e se meten cara a antiga estrada sen facer STOP como se debería facer, facendo un ceda o paso cando iso sería para os que se van dirección barrio da espiñeira, o que ocasiona un perigo para os vehículos que veñen dirección á Espiñeira pola antiga estrada xa que se incorporan polo seu carril.
Por todo isto, o Grupo Municipal de “Foz, Plataforma de Futuro” propón á Corporación Municipal acordar “instar ó Ministerio de Fomento a que mellore as condicións de seguridade deste cruce que fai de enlace entre a N-642-antiga estrada nacional,e a estrada que vai dirección ó barrio da Espiñeira, pintando no chan en cada carril a sinalización correspondente,delimitando ambos carrís tanto na estrada nova como a antiga, así como mellorar a sinalización vertical, ou tomando as medidas que se consideren mais axeitadas”. E tamén “instar ó Ministerio de Fomento ou Deputación Provincial de Lugo según corresponda a que faga as xestións oportunas para cortar as árbores que hai xusto no cruce dirección ó barrio da Espiñeira”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
