Xentilmente convidado pola organización, o día 18 de agosto de 2007 asistímos ó tradicional Día das Bandas que cada ano a vila de Luarca incluía na pogramación das festas patronais de San Timoteo; tradición e espectáculo musical que tiña a primeira razón do seu éxito na recoñecida melomanía do pobo luarqués.
Catro colectivos bandísticos participaban en cada edición – descoñecemos se segue vixente a tradición- que inician a súa andaina con emotivo e brillante desfile dende a entrada da vila, atravesando as ruas da mesma para chegar ó porto, percorrido que transcorre entre os afervoados aplausos dun público que invade as aceras. Os preto de 200 músicos inundan coa súa música o pobo, espallándoa por tódolos rincóns,e mesmo entra nos fogares a través de fiestras e balcóns e os aires de festa invaden a vida cidadán da pintoresca localidade.
Rematado éste , as bandas cítanse na praza maior e alí, conxuntamente, interpretan o himno de San Timoteo, o patrón; a dirección das mesmas é unha honra, porque significa un recoñecemento a quen é designado para tal mester e, nesta ocasión o elexido fora Arcadio Mon, director da Escola de Música de Foz, creador da súa banda, que na Villa Blanca contaba con grande prestixo peroal e profesional, e con moitos amigos.
En acto institucional no concello, coa presencia das bandas participantes, autoridades locais, invitados e numeroso público, Arcadio recibíu diversos agasallos e senllas pracas con expresivas dedicatorias.
Pola noite, no parque , as catro bandas ofrecían un concerto que comezara ás 22 horas. As 250 sillas dspostas para os espctadores resultaran insuficientes e moitos o seguiron de pé.Cando ás 2 da madrugada salíamos de Luarca mantíñase a mesma expectación o que confirma o que decímos da melomanía de aquelas xentes. A súa Banda “La Lira” data do ano 1889 e alí xurdiron a través dos tempos prestixosos músicos que nutriron as varias orquestras que amenizaron infinidade de festas e bailes, fundamentalmente en poboacións de Asturias e Galicia. Alí tivemos a oortunidade de lembrar a Casablanca,Gran Casino ou Los Centauros, que tantas veces tiñan actuado no Bahía, e mesmo os seus veciños da Orquesta Veracruz, de Puerto Vega, durante anos imprescindible nos carnavais focegos.
Fora para nós unha xornada leda e reconfortante, naque vivimos a música na presencia e na nostalxia. Xornada da que fora protagonista o inesquecible Arcadio Mon, do que en mais dunha ocasión escribimos que “con él chegou a música a Foz”. E chegara tamén todo un cabaleiro a quen tanto nos complace lembrar neste sinxelo, pero sentido, recordo do amigo entrañable, obxeto da homenaxe popular.
Por razón de parcial incompatibilidade horaria chegamos á Villa Blanca con algún retraso. Recibíranos o catedrático J.A. Martinez Estremera, cronista oficial de Valdés e Antonio Alvarez TONO , presidente das Festas. Eles foron os anfitrións que tiveran con nós exquisitas deferencias.O día do pasamento, hai uns meses,ambos despedían a Arcadio Mon en Bacoy…
Suso Fernández
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
