O Club Atletismo Lourenzá contaba con representación nun Trail de 20 km (segundo organización) e 23,500km (segundo varios reloxos de corredores) grazas a Marcos Rodríguez e Marisa Ares.
Esta carreira que saía ás 09.00 horas, baixo un bravo sol, do centro da Fonsagrada é a cuarta proba dun circuíto de 5 ( Moaña, Galiñeiro, Courel, A Fonsagrada e Padrenda) bautizado co nome de CIRCUÍTO GALICIA MÁXICA TRAIL ADVENTURE.
Os nosos compañeiros, a pesar de non estar a preparar na actualidade este tipo de probas, desempeñaron un importante papel. Marcos alzábase coa prata ao entrar segundo en meta da xeral absoluta nun espectacular tempo de 2 h 34′ 20″, a menos de 3 minutos do gañador, o corredor do Club de Atletismo Sada de Montaña: J. Ángel Díaz Bautista que entraba en meta en 2h 31′ 53″ e cunha diferenza de 13 minutos sobre o terceiro: Manuel Currás.
Pola súa banda, Marisa Ares lograba finalizar esta durísima proba con baixadas moi técnicas, empinadas pendentes e coa particularidade de que moi contrario ao que adoita ocorrer neste tipo de carreiras, a proba empezou con 12 km de grandes baixadas para terminar con outro 12 km de potentes subidas. Chegaba á meta no posto 14 da xeral feminina e 10 sénior dun total de 21 mulleres anotadas.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
