Tras percibir o mal estar dos voluntarios do Mercado Medieval aos que foi dirixida a cea homenaxe celebrada o pasado venres e visto o pouco éxito de participación, o Grupo Municipal do BNG de Mondoñedo cualifica de “nefasta” a organización do acontecemento e considera “inadecuado” o trato que recibiron todas as persoas voluntarias que fixeron posible que o Mercado Medieval de Mondoñedo continuase vivo todos estes anos.
Eloi Cabanas, voceiro do BNG no concello, apunta que tanto a cea homenaxe como a presentación do programa da XXV edición do Mercado Medieval foi anunciada polo goberno de Elena Candia aos medios de comunicación para o 2 de xullo. O portavoz reprocha a falta de información, “¿cales foron os motivos da cancelación do acto o día 2 e por qué o cambio de data para o día 8?”.
O portavoz do BNG critica ao equipo de goberno a mala organización por non contactar formalmente coas persoas ás que ía dirixido o acto de homenaxe, “ata o día antes do acto non se empezaron a vender os tickets da cea, estiveron chamando a algún dos voluntarios e colaboradores por teléfono, non a todos, e isto creou mal estado no resto dos colaboradores. Eloi Cabanas pregunta, ¿cal é a explicación da señora Candia por este trato discriminatorio?.
Os nacionalistas opinan que é importante organizar este tipo de actos de homenaxe para recoñecer o traballo de todos aqueles veciños e veciñas que permitiron que este acontecemento sexa un éxito de participación ano tras ano, pero teme que o trato que se deu aos voluntarios no canto de fomentar a participación para axudar na organización e no funcionamento do mercado produza o efecto contrario e esperan que isto non sexa a escusa para que o equipo de goberno pretenda transformar, co tempo, o que se veu facendo ata o de agora por un modelo de xestión externa do mercado, “ante este escenario, o Mercado Medieval de Mondoñedo xa non sería o mesmo”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
