O Presidente da Deputación, Darío Campos Conde, presentou este xoves en Xove o 1º investimento do Orzamento de 2016 para este Concello. Campos Conde explicou que está dotado de 400.000, que se inxectarán de xeito inmediato, para crear emprego e mellorar servizos públicos en beneficio dos veciños deste municipio.
Fíxoo nunha visita institucional a Xove, que comezou cunha recepción no Consistorio por parte do Alcalde, José Demetrio Salgueiro Rapa, e outros membros da Corporación, na que tamén participou a Deputada mariñana e responsable da área provincial de Economía, Mayra García Bermúdez.
O titular provincial asinou no Libro de Ouro do Concello, apuntando que “hoxe é a miña primeira visita institucional ao Concello de Xove, á que agardo que veñan outras nas que traer máis solucións en resposta ás necesidades dos case 3.500 veciños deste fermoso municipio da Mariña Occidental”.
Os 400.000 euros que Campos Conde presentou hoxe en Xove crearán emprego e mellorarán os servizos públicos a través das seguintes actuacións:
– 36.000 euros para a creación directa de novos postos de emprego. É a cantidade que a Deputación inxectará en Xove a través dun novo plan de emprego nos Concellos de menos de 20.000 habitantes, froito da aposta persoal do Presidente pola xeración de traballo e a máxima cooperación cos municipios. Mañá mesmo, o Executivo da Deputación aprobará este plan na Xunta de Goberno Provincial, ademais do seu investimento total e distribución de fondos en 66 Concellos con criterios obxectivos.
– 250.000 euros para o acondicionamento do campo municipal con céspede artificial. Darío Campos adiantou que tamén mañá o Executivo da Deputación aprobará na Xunta de Goberno Provincial o convenio de colaboración co Concello de Xove mediante o cal a Deputación achegará este investimento para mellorar ditas instalacións municipais, que empregan arredor de 100 deportistas que compiten en diferentes ligas.
– 20.335 euros para melloras de Aforro Enerxético na localidade. O Executivo da Deputación aprobará mañá na Xunta de Goberno o Plan de Aforro Enerxético da Deputación nos Concellos. Con dita cantidade, que é a que lles corresponde a Xove en base a criterios obxectivos de reparto en 66 municipios lugueses (superficie, densidade de poboación, núcleos poboacionais e esforzo fiscal), a Deputación poderá financiar a este Concello melloras no alumeado público, instalación de caldeiras ou estufas de biomasa, así como de novas redes de calor, ademais de illamentos térmicos.
– 60.323 euros para as obras municipais do Plan de Obras e Servizos de 2016 (POS). Supón o triplo que na pasada anualidade, pois o Presidente quixo multiplicar por tres o investimento da Deputación nos Concellos a través desta programación. O Goberno Provincial prevé aprobar a listaxe de obras no Pleno deste mes, sempre que todos os Concellos presenten as memorias dos proxectos para poder iniciar inmediatamente despois a súa execución. Dita cantidade tamén é a que lle corresponde a Xove en base a súa superficie, densidade de poboación, núcleos poboacionais e esforzo fiscal.
– 19.655 euros para o Servizo a Domicilio, investimento que lle corresponde a Xove en base ao seu índice de envellecemento, superficie, densidade de poboación e unidades de poboación. Por primeira vez, esta prestación suporá custo cero para os Concellos, xa que o Goberno da Deputación decidiu asumir todos os custos. Tamén de xeito pioneiro, o organismo provincial ofrece aos municipios un adianto do 90% e a posibilidade de poder financiarlles, ademais dos gastos de persoal, os gastos de funcionamento, axustándose ás necesidades dos usuarios de cada unha das distintas entidades locais co obxectivo de mellorar a calidade deste servizo público.
– 4.067 euros para mellorar a sede electrónica. Os Concellos teñen que realizar melloras nas mesmas antes do 1 de outubro debido á entrada en vigor da Lei do Procedemento Administrativo Común das Administracións Públicas. Esta normativa establece cambios nas ferramentas tecnolóxicas para axilizar, modernizar, simplificar e garantir aos cidadáns a realización de todos os seus trámites coas mesmas de xeito telemático. Por este motivo, a Deputación ofrece aos 66 municipios de menos de 20.000 habitantes axudas económicas, que distribúe en base a criterios obxectivos (superficie, esforzo fiscal, densidade de poboación e unidades de poboación), para poder levalas a cabo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
