CERVO, 15 DE XULLO. Os membros do Grupo Municipal Socialista de Cervo denuncian tralo pleno extraordinario celebrado no Concello na tarde de onte que “a falta de planificación e xestión deste equipo de goberno de Cervo é total e absoluta, como se nas mesmas mans da improvisación estivésemos”.
Como primeiro punto do día, o goberno presentou a aprobación dun convenio asinado coa Xunta de Galicia para o remate do equipamento do centro de día e residencia de maiores construído en San Ciprián. “A ver se desta vai. Estamos a falar dunha obra que se iniciou no ano 2010 e que tiña que estar rematada no ano 2012. Estamos no 2016 e polo visto nin está rematada nin se prevé que se remate neste ano”.
Dende o GMS auguran que “non estará lista neste ano, nin no seguinte. A día de hoxe seguimos gastando diñeiro público nunha obra ben necesaria para os nosos veciños da que non teñen a menor idea de cómo se vai a xestionar nin cando comezará a funcionar. Seguramente, teñamos que agardar ao 2019 para que o señor alcalde a venda políticamente. Mentras, imos a trompicóns, sen cumplir con prazos nin ordes establecidas. E así, o equipamento novo facéndose vello”.
Saneamento de San Cibrao
Cumprindo coa mesma liña, seguimos co saneamento de San Cibrao, unha obra que “cando a tiveron que xestionar, non souberon dimensionala e dedicáronse a facer parcialidades coma se de un puzzle se tratase. Para paliar agora todas as súas deficiencias, para paliar a súa falta de previsión e planificación, todos son parches e remendos. Invertindo e gastando cartos públicos en poñer en funcionamento novos e antigos tramos”.
Máis de 80.000 euros pagaremos todos os cervenses para solucionar os problemas que o goberno non soubo prever cando se realizou esta obra. “Son dúas actuacións. Por unha banda, uns 54.000 euros, irán destinados á reparación do emisario da estación de bombeo e outros 26.000 euros irán dirixidos á reparación do equipo de trituración do tanque de tormentas”.
E os socialistas pregúntanse, ¿Cómo é posible que que unha obra que leva escasamente dous anos supostamente funcionando xa necesite de reparacións desta envergadura? “O propio goberno afirma que non só é unha avería puntual, senón que se trata dun defecto constructivo. ¿Que pasou entón, cando lles entregaron a obra non se deron conta? Ou é que como non se puxo en marcha ata longo tempo despois de ser entregada e finalizada a garantía ¿non se deron conta de que tiña estes defectos?”.
Con todo isto, o Grupo Municipal Socialista subliña que “está máis que claro que a responsabilidade ten que recaer neste equipo de goberno, na súa falta de xestión e na desidia e deixadez que veñen demostrando ano tras ano. A parte das continxencias normais que se poden dar para reparacións, o certo é que seguimos gastando cartos en mantementos deficientes, nulos ou inexistentes que logo hai que atallar con reparacións que son cada vez máis custosas. Isto non se pode seguir consentindo”.
E menos cando esta falta de preocupación polo Concello se fai visible non só no saneamento, senón tamén no resto de instalacións municipais, “o mantemento brilla pola súa ausencia. E pensamos tamén na EDAR de Cervo ou no saneamento de Trasbar ou Castelo. Son moitos os exemplos que comparten esta mesma problemática e non cremos que sexa por falta de persoal nin de presuposto. A causa témola ben clara”.
Remataron destacando que “xa está ben de tanta deixadez, incompetencia, falta de compromiso, falta de planificación e falta de proxección de futuro. Cando se necesitan as obras, necesítanse. Pero nós non seremos cómplices das súas ineptitudes. Os veciños e veciñas de Cervo merecen algo máis que isto de ir apagando lumes por etapas. Cervo necesita dun proxecto de xestión integral e dun proxecto de futuro. Esiximos que se poñan a traballar con implicación e seriedade”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
