Turismo de Galicia destinará máis de 3,8 millóns de euros ás obras de recuperación, sinalización e mellora do Camiño do Norte e no Camiño Primitivo, que inclúen a adaptación do itinerario á delimitación oficial. O anuncio de licitación destes traballos publicarase no Diario Oficial de Galicia de mañá, dispoñendo un orzamento de 2,31 millóns de euros para as obras do Camiño do Norte pola Costa e de 1,53 millóns de euros para o Camiño Primitivo.
En ambos os dous casos as actuacións previstas actuarán sobre a sinalización existente e tamén sobre o estado de accesibilidade da ruta. O obxectivo é unificar e harmonizar a sinalización do Camiño de Santiago, un dos símbolos de Galicia, e ofrecer un mellor servizo os cada vez máis peregrinos que se decantan por estes itinerarios.
De feito, en 2015 rexistráronse un total de 27.301 peregrinos que chegaron a Compostela por estes dous itinerarios, un 10,40% dos contabilizados no total de rutas. Destes 27.301, 15.828 peregrinos chegaron polo Camiño do Norte e 11.473 peregrinos polo Camiño Primitivo. No que vai de ano, as dúas rutas recibiron 10.280 peregrinos, o que supón o 8,73% do total.
Detalle das actuacións de acondicionamento
No Camiño do Norte os traballos levaranse a cabo por treitos: de Ribadeo a Lourenzá e de Trabada a Lourenzá; de Mondoñedo a Vilalba e entre Lourenzá e Abadín; de Guitiriz a Friol; e de Sobrado a Arzúa e entre Sobrado e O Pino. Limparanse as cunetas e os noiros para evitar, entre outras cuestións, que se inunde a superficie de paso. Formaranse explanadas nos camiños de nova apertura e retirarase a terra vexetal.
Doutra banda, a actuación no Camiño Primitivo dividirase en tres tramos: treito da Fonsagrada; dende o límite de Baleira con Fonsagrada ata San Miguel do Camiño, en Castroverde; e treito dende esta localidade ata Melide.
Neste caso, limparanse tamén as cunetas para evitar posibles inundacións. Procederase ao acondicionamento e apertura daqueles tramos que o precisen e recuperarase o dominio público nos puntos nos que se impida o tránsito. Tamén se executarán pasos de auga para evitar a erosión do firme.
Melloras na sinalización das dúas rutas
Así mesmo, no que se refire á sinalización, no itinerario principal do Camiño Primitivo tenderase á unificación das mouteiras, adoptando un único tipo. Substituiranse as defectuosas e aumentarase o seu número colocando unhas novas naqueles puntos onde sexa necesario reforzar a sinalización por ser puntos de posible confusión como cruces. Tamén se disporán outros elementos de sinalización como cunchas.
En ambos os dous casos incorporarase unha sinalización provisional de obra para que o Camiño nunca deixe de estar sinalizado e todas as actuacións se realizarán coas máximas garantías de respecto aos valores tradicionais.
Colocaranse mouteiras, cunchas, placas e outros sinais atendendo ao Manual de Sinalización Turístico de Galicia e corrixiranse os desfases de quilometraxe que se derivan da nova delimitación. En relación a este asunto, comprobouse unha diferenza nas distancias entre os puntos quilométricos marcados nas mouteiras e nova delimitación, polo que se considerou necesario reubicalas ou colocar novas placas para reflectir as novas distancias, así como para repoñer as que están rotas ou foron arrincadas.
A actual sinalización do Camiño dispón que as mouteiras se colocarán cada 500 metros no trazado principal ou ao inicio e final cando son itinerarios complementarios ou de vestixios históricos. As mesmas deben ser de granito, con frecha tallada e pintada en amarelo, placa de latón co punto quilométrico e co texto “Galicia” gravado. Tamén se disporán mouteiras co nome do concello tallado naqueles lugares máis representativos.
As cunchas, serán de cerámica e colocadas en horizontal cunha frecha das mesmas dimensións indicativa da dirección. Nos lugares considerados Ben de Interese Cultural disporanse cunchas de bronce e nas zonas máis urbanas que discorran por estrada, sinais metálicas.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
