Cervo, 26 de agosto de 2016. O Concello de Cervo, xunto coa Fundación MAPFRE e en colaboración coa Empresa Pública de Emerxencias Sanitarias (EPES), realizará unhas xornadas de prevención de afogamentos e outros riscos no entorno acuático. Serán a vindeira semana, concretamente o luns 29 e o martes 30, na praia do Torno. Foron presentadas polo concelleiro de Seguridade Cidadá e Protección Civil, José Ramón Soto, e o cabo de Protección Civil, Mario Antuña.
O edil de Seguridade Cidadá explicou que “as actividades terán lugar no entorno da praia do Torno, de San Ciprián, os días 29 e 30 de agosto, luns e martes, en horarios de 11:00 a 13:00 e de 17:00 a 19:00. As xornadas serán totalmente gratuítas e poderán asistir todas aquelas persoas que o desexen, anotándose no propia praia do Torno nas datas e horas sinaladas. O principal obxectivo é trasladar á sociedade as pautas de prevención para evitar accidentes no entorno acuático; e en caso de producirse ensinar uns conceptos básicos esenciais para actuar ante unha situación de emerxencia, xa que o afogamento é unha das 10 causas principais de falecemento en nenos e mozos, tendo unha estimación de 370.000 mortes ó ano no mundo e 450 persoas en España durante o 2015 por este motivo. Por todo isto o Concello de Cervo quere aportar o seu apoio a esta campaña que se está a levar a cabo por todo o territorio nacional, sobre todo naqueles concellos que dispoñen de praias con bandeira azul, como é o caso do noso municipio”.
José Ramón Soto especificou que “as xornadas consistirán en tres accións paralelas, as cales podemos resumir do seguinte xeito: haberá unha carpa central na que se impartirán charlas por persoal do Grupo de Investigación de Actividades Acuáticas e Socorrismo; están destinadas a dar consellos básicos de prevención de afogamentos e poderán asistir todo tipo de persoas. Tamén haberá outras dúas carpas, unha delas estará destinada a nenos entre 3 e 12 anos, que terán que debuxar un consello de prevención sobre unha camiseta, a cal poderán levar gratuitamente. A outra carpa vai destinada a adultos e impartiranse nocións básicas de actuación para facer a reanimación cardiopulmonar, onde se lles dará unha mini guía de actuación en caso de emerxencia e un detalle pola súa participación”.
Soto rematou comentando que “o Concello de Cervo considera moi importante esta actividade preventiva, xa que para este equipo de goberno a seguridade dos nosos veciños e visitantes é unha prioridade; e por iso lle damos moita importancia a esta campaña de sensibilización da poboación. E tendo en conta os datos que indican que moitas persoas infravaloramos os riscos relacionados coa auga e descoñecemos que este tipo de incidentes son máis frecuentes e graves do que pensamos, por iso dende o Concello promovemos esta actividade para intentar chegar a toda a sociedade, sen exclusión de ningún grupo de idade. E adiantámonos a recomendar unhas medidas básicas, como son bañarse sempre acompañado, non aloxarse da beira en espazos acuáticos naturais, mollarse suavemente antes de entrar na auga, evitar as comidas abundantes antes do baño, non bañarse se se sente moito frío ou cansazo e, sobre todo, se alguén ve xente en perigo debe chamar ó número de emerxencias, que é o 112”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
