– Asociacións e Concellos poderán solicitar calquera das actividades que conforman esta progamación, a partir das 10:00 horas, en www.deputacionlugo.gal
– A través desta iniciativa, que complementa o Cultura Aberta e o Cultura sobre rodas, a Deputación achega de balde accións culturais ao rural
– Actuacións musicais, obras de teatro, monicreques ou maxia, son só algunhas das actividades que se ofrecen nesta programación cultural
Lugo, 25 de agosto de 2016. Aberto o prazo de solicitude das actividades do Verán Cultural, unha iniciativa coa que a Deputación achega a rural da provincia actividades gratuítas de caracter lúdico-cultural. A partir das 10:00 horas do venres, 26 de agosto, Concellos e Asociacións poderán formalizar a súa solicitude no espazo habilitado na web www.deputacionlugo.gal. Esta iniciativa inclúese dentro do grupo de actividades gratuítas do Cultura Aberta e Cultura sobre rodas.
Esta programación desenvolverase durante o mes de setembro e está destinada a apoiar a asociacións culturais e Concellos para completar os seus programas de ocio, ofertando aos diferentes colectivos culturais un amplo abano de actividades. Os Concellos e asociacións culturais que queiran optar a participar nesta actividade deberán presentar no Rexistro Xeral da Deputación a documentación que se atopa no espazo habilitado na web da Deputación.
As actividades que poderán solicitar son: espectáculos de musica de rúa, con Airinhos da Freba; concertos de Zoelas, Quempallou, Puntada sen Fío ou Leña Verde; pasarrúa da man de Cé Orquestra Pantasma; actuacións de teatro e clown con Peter Punk, Volta e Dalle, Babaluva Teatro ou Mago Rafa, entre outros.
Cultura Aberta
Arredor de 2.000 persoas acudiron as máis de 30 actividades que organizou a Deputación de Lugo co Cultura Aberta. Cómpre lembrar que con esta programación o organismo provincial ofreceu, entre outros, música en directo, representacións teatrais, películas e curtametraxes, ademais de todo tipo de actividades para os máis pequenos.
Cultura sobre rodas
Este proxecto provincial consta de 35 actuacións, totalmente gratuítas, que percorren os Concellos da provincia, ata o 15 de setembro, a través de Asociacións destes municipios. A Deputación fai unha achega de 18.000 euros para a celebración desta actividade, na que o grupo teatral “Lucecús Teatro” representa “A verdadeira historia” do poeta Manuel de Paderna, que toma como base textos de Manuel María.
As próximas representacións serán:
– O 24 de agosto ás 20:00 horas na Praza da Vila de Sarria a través da Asociación de Comerciantes e Empresarios.
– O 26 de agosto ás 20:00 horas no Campo da Festa do Valadouro a través da Asociación de veciños Moucide.
– O 27 de agosto ás 20:00 horas no Salón de actos da Fonsagrada a través do Padroado do Museo Comarcal.
– O 28 de agosto ás 19:00 horas en Folgoso do Courel a través da Asociación Buraca das Grellas.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
