Burela, 25 de agosto de 2016. O alcalde, Alfredo Llano, lembra que a recadación do IBI e do imposto de vehículos de tracción mecánica será realizada pola Deputación Provincial de Lugo, tal e como se acordou coa firma dun convenio entre as dúas administracións. Llano subliña que a Deputación se comprometeu a respectar os dous prazos do pagamento do IBI en Burela, pero que debido ao traballo que ten que asumir este ano o servizo de recadación foi imposible manter esas datas (xuño e outubro) e será agora en outubro cando ese recibo se pase ao cobro. O rexedor aclara que en ningún momento o equipo de goberno adoptou esa medida.
Alfredo Llano explicou que “este ano como se fixo o convenio para diferentes concellos de toda a provincia a Deputación non puido respectar eses acordos plenarios de repartir, por exemplo, en dous prazos o cobro dese imposto. Polo tanto este ano por esta razón e porque hai demasiado traballo acumulado na Deputación non se puido facer en dous prazos e vaise facer todo o cobro nunha soa vez, que será no mes de outubro”.
O rexedor insiste en que “non foi o Concello quen decidiu facer isto, non tivemos nada que ver. É unha falacia dicir que o Concello tomou a decisión de facer un só cobro, cando non é verdade. O que fixemos foi a través dun acordo plenario realizar o cobro en dous prazos: un no mes de xuño e outro no de outubro. Pero este ano non se puido facer así pola situación de acumulación de traballo na que se atopa a Deputación”.
E engadiu que “a todos os que viñeron preguntar ao Concello xa se lles dixo e penso que todo o mundo está mentalizado de que vai ter que pagar todo no mes de outubro”.
Llano referiuse as críticas vertidas polo BNG: “quero aclarar tamén que hai unha insinuación do Bloque Nacionalista Galego de que o Concello decidiu facer só un cobro, o que non é verdade. Que se faga así non é culpa para nada do Concello. Así que a min paréceme que iso é enganar. Este tipo de decisións non as toma o equipo de goberno por libre senón que se acordan no pleno da Corporación. Polo tanto para o ano que vén volverase a cobrar en dous prazos”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
