A Mariña, 18 de agosto de 2016. “Os gobernos do Partido Popular son nefastos para as persoas e para os servizos públicos”, asegurou a responsable comarcal do BNG na Mariña, Ana Ermida.
“É insultante para as veciñas e veciños da nosa comarca que o PP se atreva a dar por boa a súa xestión en materia de sanidade ou de emprego”, afirman desde o BNG.
Desde as filas nacionalistas lémbranlles aos representantes populares que “durante os seus gobernos a área sanitaria da Mariña perdeu competencias para derivalas a Lugo, a onde, por certo, hai que ir facer probas diagnósticas importantes que non se fan ou se atrasan no Hospital da Costa. Pero ademais, isto tivo dramáticas consecuencias non só no hospital, senón tamén na atención primaria, perdéndose prazas médicas nos centros de saúde de Ribadeo, Cervo, Xove, Ourol ou O Vicedo; ou tendo serios problemas coas prazas de pediatría en Burela ou Lourenzá e Mondoñedo, por pór só algúns exemplos.”
“Por se isto fose pouco, inciden desde o BNG, os retrasos en áreas tan sensibles como cardioloxía chegan a perto de un ano e séguense dando indicacións e primas económicas ao persoal sanitario para que rebaixe gasto farmaceútico.” “Non podemos esquecer que durante estes anos mesmo chegou a haber carencias de material básico nos centros de saúde e seguen sen cubrirse vacacións mesmo en época de verán, cando a poboación se multiplica.”
As infraestruturas só se usan para reclamo electoral
Para a formación nacionalista falar de avances nas infraestruturas na comarca de A Mariña “é un ataque directo á intelixencia de todas nós. As obras da conexión San Cibrao-Ferrol aínda están executándose, tras cerca de dez anos de atraso, e só se prevé abrir o tramo San Cibrao- Celeiro, sen dar solución á variante de Viveiro, converténdoa nunha vía morta sen saída por ningún lado. Porque tampouco podemos esquecer que o Partido Popular no goberno do Estado tampouco fixo nada para axilizar o tramo Barreiros- San Cibrao”, afirman.
“Que o gran logro que poidan vender sexa os accesos ao porto de Burela, tras moitos anos de atraso, non pode servir para pagar a débeda histórica que os gobernos do PP teñen coa Mariña”.
A perda de emprego e o peche de empresas é constante
“Que o PP, o partido do paro, presuma dos datos de emprego sería para rir se a situación non fose dramática”, aseverou Ana Ermida. “Na nosa comarca os anos de goberno Feijoo o único que deixaron foi un regueiro de empresas pechadas e execucións de ERE’s sen que a Xunta de Galiza, con competencias na materia, dese un só paso para frenar a sangría de desemprego.”
“Desde os ERE’s de Sargadelos ou Hermida ao peche de empresas como Contrucciones Mon, Gres Burela, Ecar ou Conservas Alonso; o resultado do paso do PP polo goberno galego só deixa perda de emprego e emigración”, afirman desde o BNG.
“O emprego que se crea, como en todo o País, é precario e en condicións nefastas; pero ademais, nesta comarca é absolutamente estacional e só se crea emprego vinculado a temporadas como a estival ou a de rebaixas. Se isto é o logro do PP, o mellor é aplicarlles a eles a mesma política laboral e asinar o seu despido o vindeiro 25 de setembro”, sentenciou Ana Ermida.
“O balance co que se deberan presentar os populares na comarca é o dos centos de familias con todas as persoas en paro ou as que xa non teñen aquí a todos os seus membros porque tiveron que marchar buscar un emprego que durante o goberno Feijoo perderon”, conclúen.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
