Foz 4-8-16. O Venres 5 de Agosto ás 20:30 h na Casa da Cultura “Poeta Manuel María” de Foz, clausúranse ás Xornadas de Historia Local, organizadas pola Asociación A Pomba do Arco, cunha conferencia sobre “Os normandos no norte de Lugo” que correrá a cargo de Xoán Ramón Fernández Pacios, historiador e directivo da Pomba do Arco.
A relación dos vikingos con Galiza podemos resumila en catro grandes invasións así como a presenza de cruzados normandos na Galiza do século XII e XIII. A primeira incursión dos viquingos en Galicia data de agosto de 844, cando un grupo procedente dunha expedición de saqueo se adentrou polo Garona, chegou ata Galiza empurrado por unha tempestade e foi ao cabo rexeitado nos arredores do da Torre de Hércules. No ano 968 chegaron a Galiza arredor de duascentas naves baixo o mando de Gunrod, cen das cales se detiveron no Cantábrico para atacar a zona da Mariña mentres as outras cen se internaban pola ría de Arousa para dirixirse posteriormente a a pé a Santiago. Os viquingos apareceron en Galiza esporadicamente, en xeral, sen moitas consecuencias; non obstante, no ano 1015, dirixidos quizais polo rei Olaf, atacaron Castropol, Betanzos, Ribas de Sil e Tui.
A relación dos normandos coas terras focegas está intimamente vinculado á figura de San Gonzalo, figura que Fernández Pacios, asocia coa do bispo de San Martiño Gonzalo Froilaz, que exerceu o seu cargo entre os anos 1070 e 1108, destacando os avatares polos que tivo que pasar este bispo no seu desexo de defender e engrandecer o territorio da súa diocese, sendo esta defensa a ultranza a razón que motivou que o pobo o santificase antes, incluso, que a propia igrexa mindoniense. Gonzalo Froilaz facía parte da grande familia oligárquica da Galiza do momento, isto é dos Traba, sendo irmán de Pedro Froilaz que canda Xelmirez nomeou Rei de Galiza a Afonso VII. É precisamanete nesta época cando se produce un desembarco fallido de normandos nas costas focegas que motivou o traslado da Se episcopal de San Martiño ata un punto interior, de máis fácil defensa, chamado Vilamaior do val de Brea e que hoxe coñecemos co nome de Mondoñedo.
Xoán Ramón Fernández Pacios é licenciado en Xeografía e Historia pola Universidade de Santiago de Compostela, actualmente é o responsable do Centro de Información e Interpretación do Camiño Norte en Mondoñedo, onde exerce o seu traballo dende hai oito anos. Ten publicados varios libros entre os que destacamos Foz, recuperación da memoria histórica, en colaboración con Pilar López, O Camiño de Santiago na Mariña Lucense, A guerra co francés. O Viveiro de 1809, Hospitalidade e Peregrinación no Camiño Norte ou O Camiño de Mar. Tamén foi o coordinador da publicación titulada O Mariscal Pardo de Cela e o seu tempo, libro que xorde como froito das primeiras xornadas de historia medieval da Mariña de Lugo, das que Xoán Ramón era o secretario.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
