Barreiros, 25 de agosto de 2016. O Eido Dourado, na praia de A Pasada en Barreiros, recibiu este verán a visita de máis de 3.000 persoas. E os Concertos ao Solpor tiveron unha afluencia de público que superou as 200 persoas cada noite dos cinco domingos nos que se celebraron. O 28 de agosto o Eido Dourado pecha as rúas portas ata o vindeiro verán.
O artista barreirense Celso Dourado anunciou que “pechamos o vindeiro domingo, día 28, a oitava edición do Eido Dourado. Todos os anos temos un pequeno in crescendo, pero este 2016 en concreto realmente foi moi bo, moi positivo tanto na labor interna do Eido Dourado como na propia acollida por parte da xente”.
Celso Dourado salientou que “foi un verán moi concorrido, teño sen cuantificar o número de visitas, pero coido que pasan das tres mil. Ao mesmo tempo os Concertos ao Solpor tiveron unha enorme acollida pasando cada edición dos cinco que fixemos das duascentas persoas, había duascentas sillas e sempre se quedaban escasas”.
Entre as novidades presentadas este ano no Eido Dourado, o seu promotor comentou que “puxemos en marcha, impartidos e desenrolados por parte de Lucía Vila, os laboratorios creativos para nen@s o que supuxo unha idea da que tíñamos falado xa en anos anteriores para os nenos que se moven pola Mariña en período estival. Tivo unha gran acollida polo que pensamos en volver repetir mellorándoos. Por outra parte o que é a exposición é un complemento a todo este espazo. Foron moitas as persoas que se achegaron a ver a renovación da obra e realmente estou contento e moi animado a seguir neste proceso”.
Respecto á procedencia dos visitantes a este espazo creativo a carón da praia de A Pasada en Barreiros, Celso Dourado manifestou que “eu formo parte do cámping Gaivota que traballa moito con público estranxeiro e moita xente sobre todo alemáns e holandeses nos visitan cada verán. Este verán en concreto penso que tamén se incrementou o número de estranxeiros. De nacionais moita xente da contorna das poboacións próximas, e ao mesmo tempo moita xente do País Vasco, Madrid, Cataluña, etc…”.
Celso Dourado dixo que “nos concertos foi unha cousa parecida, os propios artistas se congratulaban de que estaban ante un público moi diverso. Nese aspecto para min é moi agradable contar con esta variedade de público e realmente síntome moi a gusto”.
Sobre a posibilidade de ampliación dos xardíns do Eido Dourado para acoller a gran afluencia de público nas actuacións musicais, Dourado comentou que “por unha parte posiblemente o Eido non é o sitio máis adecuado para desenrolar un concerto, pero si é o sitio no que lle prestamos unha atención moi especial ao que é a música. Temos ese debate sempre de eliminar xardín para ter maior capacidade. Seguimos co debate tanto a miña compañeira Teresa coma eu e algunhas pequenas modificacións si que imos facer, xa que nos desborda a afluencia de público. Este inverno contamos facer unha modificación e cara a vindeira tempada facer algún concerto no xardín zen, un determinado tipo de concerto. É unha zona máis complicada, pero ten máis capacidade”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
