Barreiros, 11 de agosto de 2016. O Eido Dourado continúa cos seus Concertos ao Solpor e este domingo, 14 de agosto, ofrecerá a actuación do grupo Aramat. Composto por tres músicos e tres bailarinas o seu repertorio está composto por pezas musicais e bailes procedentes do leste de Europa. A actuación dará comezo arredor das 22:00 horas.
Celso Dourado explicou que “este é o cuarto e penúltimo evento dos Concertos ao Solpor. É un proxecto novo que ten unha curta vida, se pode dicir que semanas. Está capitaneado pola bailarina Tamara Sánchez”.
O artista barreirense dixo que “o proxecto chámase Aramat e mestura música e danza. Tanto no apartado musical como na danza a inspiración é un pouco músicas do mundo, sobre todo do leste de Europa, Romanía, Bulgaria, Eslovenia, etc… É un espectáculo atrévome a dicir que case fundamentado na danza no ventre no que se refire ao baile e estará composto por tres músicos e tres bailarinas. A parte principal da danza vaina levar Tamara Sánchez”.
Dourado comentou que “eu vinas en Santiago hai uns días e pareceume moi interesante. Coñezo a Tamara e establecemos diálogo hai un tempo e ela mesma me chamou e me dixo que estaba traballando nun proxecto absolutamente novo acompañada doutras bailarinas. E ímolo presentar no Eido Dourado este vindeiro domingo coa caída do sol. A entrada é libre ata completar aforo como sempre”.
O responsable do Eido Dourado lembrou que “dispoñemos case de duascentas sillas e complétase practicamente sempre os domingos pola noite. Queda xente de pé e andamos nunha media entre duascentas e duascentas cincuenta persoas. O aforo tampouco dá para máis. A nosoutros tampouco nos gusta presentar grupos medianamente coñecidos senón aquelas propostas que consideramos innovadoras para que dado o espazo no que se desenvolve haxa unha combinación de luz, música e movemento que realmente responda ás expectativas”.
Cámping Gaivota
O cámping Gaivota continúa tamén coas súas actividades de verán, promovidas polo Eido Dourado, e este venres celebrará a tradicional queimada. Dará comezo ás 23:00 horas e contará coa actuación en directo do grupo Os Cascarillas.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
