Burela, 09 de Agosto de 2016. Dende o BNG de Burela non poden comprender como un curso de formación en Xestión de Recursos Humanos que conta con subvención da Xunta de Galicia pode quedar nun caixón sen impartir por retrasos non procesos de selección.
Segundo puideron saber os edís nacionalistas, ninguén dende o concello se puxo en contacto coa persoa elixida para impartir o curso para dicirlle que non había tal curso, que os cartos volvían para a Xunta, despois de mais de dous meses dun proceso tan longo que non é sinxelo atoparlle explicación. “Parécenos incrible como os procesos de captación de alumnos e de selección de monitores se poden demorar tanto como para imposibilitar a existencia final do curso” salientou Mario Pillado.
O feito de atrasar tanto o comezo do curso, que tería que estar rematado a 15 de Decembro fai que se teñan que impartir unha alta cantidade de horas diarias, algo que fai moi pouco atractivo este formato, polo que case non quedan alumnos para o mesmo.
“Semella que a incapacidade e a desidia fixeron que non se levase a cabo un proceso áxil e rápido, co que o curso xa podería estar comezado” sinalou Pillado, voceiro do BNG en Burela.
Os nacionalistas rexistraron preguntas por escrito sobre esta temática.
Unha vez recibida esta información, os edís nacionalistas contactaron coas partes interesadas, tanto a persoa seleccionada para o curso, como o centro onde se ía impartir esta modalidade. Amén diso revisaron o expediente que obra nesta temática e con todo presentaron preguntas por escrito para que o goberno conteste no próximo pleno ordinario a celebrar a finais de Setembro.
Mais aló do motivo polo que non se vai impartir o curso de Xestión Integrada de Recursos Humanos, tamén chamou moito atención no BNG que dende o centro de formación fixeron o seu traballo e solicitaran a contratación de monitores para a formación a principios de Xuño despois de que a Consellería de Traballo e Benestar informara da concesión do curso o 26 de Mario, pero non se convocou o tribunal para a escolla de candidatos ata o 26 de Xullo.
Semella tamén complicado de entender que o proceso de captación de alumnos se desenvolvese en Xuño e a selección de monitores se demorase ata Xullo. “Tanto atraso é moi sospeitoso; os cartos que viñan para aproveitar o concello de Burela pérdense e cando menos dúas persoas quedan sen contratar” destacou Pillado.
Semella que ó igual que aconteceu coa contratación dos socorristas, os retrasos nos prazos e nos trámites xeran problemas de xestión, por iso o nacionalista solicita do goberno municipal que “fique mais atento e pendente deste tipo de procesos e se hai algún problema relacionado coa labor dos empregados municipais deben ter capacidade para solucionalo”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
