Cervo, 18 de agosto de 2016. O Concello de Cervo está a levar a cabo a instalación dun ascensor na Casa do Mar, en San Cibrao, cun custe de 22.000 euros, sufragados integramente con fondos municipais. O alcalde, Alfonso Villares, e a concelleira de Servizos Sociais, Pilar Armada, visitaron este xoves o lugar onde se están realizando as obras.
O rexedor municipal explicou que “desde o Concello de Cervo estamos nestes días levando adiante unha obra nun dos nosos edificios públicos; en concreto na Casa do Mar de San Cibrao estamos a proceder á instalación dun ascensor. Este edificio ten dúas plantas e na de arriba está a sede da asociación de xubilados Terra Mar. Por ese motivo e para permitir o acceso a calquera outra persoa que queira ir a esta planta é polo que decidimos facer esta obra. O custe total é de 22.000 euros ,que son sufragados totalmente polo Concello de Cervo con fondos municipais”.
Alfonso Villares lembrou que “deste edificio da Casa do Mar de San Cibrao agora mesmo ten a súa concesión o Concello de Cervo. Despois de que durante moitos anos tivéramos dificultades para conseguir a súa cesión e unha vez lograda levamos adiante unha serie de actividades e obras que nós consideramos fundamentais porque estamos a poñer o edificio a disposición dos veciños”.
O alcalde de Cervo explica que “en primeiro lugar o que fixemos foi situar aí a Escola Infantil do Concello de Cervo, que está nunha parte da planta baixa deste edificio; e agora mesmo o que procedemos a facer é que este edificio sexa accesible para todas as persoas. Por iso a obra deste ascensor vémola máis que necesaria”.
Villares engadiu que “decidimos abordala nesta época do ano, antes de que empece o curso que vén e que estean outra vez os nenos da Escola Infantil utilizando este edificio. Por iso se fai neste momento, durante o verán, o que igual a moitos lles sorprenderá, pero precisamente o motivo polo cal o facemos nestas datas é ese”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
