Burela 9-8-16. O conselleiro José Manuel Rey Varela visitará este xoves ás 12:30 os Centros de Menores San Aníbal, concertados coa súa consellería, e o Centro de Acollida e Inclusión Social Mª Nazarena.
Nesta visita estará acompañado pola Directora Xeral de Familia, Infancia e Dinamización Demográfica, na que coñecerán de primeira man estes recursos, o seu funcionamento e as súas necesidades.
O Centro de Atención de Día, que conta con 18 prazas concertadas, atópase ocupado ao 100%, con rapaces procedentes dos concellos de Burela, Cervo, Mondoñedo e Xove.
O Centro Casa de Familia, que acolle a menores en situación de Tutela ou Garda, conta con 8 prazas concertadas, e atende a 10 nenos, nenas e adolescentes en situación de Tutela Pública, derivados dos concellos de Burela, Ferrol, Foz, Ribadeo e Xove.
O Centro de Inclusión Mª Nazarena tamén se atopa ao 100% de ocupación, atendendo a 2 unidades familiares con 3 menores ao seu cargo.
Este é o único centro da provincia que acolle a familias, e un dos poucos de Galicia.
Nesta visita, dende o Equipo Directivo, exporáselle ao conselleiro que se estude a posibilidade de recuperar as 2 prazas que se recortaron fai 3 anos por mor da crise.
Tamén se presentará a necesidade de que A Mariña conte con un Punto de Encontro Familiar, unha demanda imprescindible, xa que os puntos de encontro máis próximos atópanse en Lugo e Ferrol, e pola súa distancia fan practicamente imposible a súa utilización.
Actualmente estase atendendo no Centro de Atención de Día a 3 menores por decisión xudicial e demanda do Servizo de Menores da Xunta como Punto de Encontro.
Nos últimos anos os 2 Centros de Menores atopáronse cunha ocupación superior ao 100%.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
