PP de Burela: A contribución urbana de Burela: o alcalde “coxea”

Burela, 30 de agosto de 2016. Vamos directamente ó grano, porque ós cidadáns non lles gusta que se xogue cos seus cartos. E o asunto da contribución urbana este ano está causando bastante malestar entre os veciños, xa non polo que vai subir, senón pola tardanza no cobro.

1 .- Pleno de 10/outubro/2013.- O goberno municipal do PP propón unha modificación da ordenanza municipal sobre o imposto de bens inmobles (a partires de agora, contribución urbana), para que os veciños que teñen domiciliado o pago do mesmo nunha entidade bancaria o abonen en dous prazos, en xuño e en outubro. A proposta é aprobada por unanimidade.

2 .- Según se pode comprobar na páxina da sede electrónica do Concello de Burela, a ordenanza municipal indicada di no seu artigo 6.3., o seguinte: “3.- A domiciliación do Imposto sobre bens inmobles implicará o seu fraccionamento en dous períodos, de xeito que o primeiro cargo realizarase o día 5 de xuño polo importe do cincuenta por cento do recibo, e o segundo cargo realizarase o día 5 de outubro polo restante importe do cincuenta por cento do recibo.” Esta ordenanza non foi modificada a día de hoxe, e polo tanto está plenamento en vigor.

3 .- Pleno do 30/xullo/2015.- O pleno acorda “delegar as competencias deste concello en materia de xestión, inspeccion e recadacion, tanto en período voluntario como en período executivo, a favor da Deputación Provincial de Lugo”. Non obstante, nese acordo especifícase que “…para o exercicio das competencias delegadas, a Deputación Provincial aterase ao disposto nas presentes bases, ao ordenamento xurídico local e demais lexislación aplicable de conformidade coa normativa reguladora das facendas locais…”.

4 .- Polo tanto, a Deputación tivo tempo de sobra de prepararse para pasar ó cobro a contribución urbana do noso concello. Cando menos, é de gargallada que se nos diga por parte do alcalde (sin que se poña colorado) que a Deputación tén moito traballo: ós veciños non lles importa se a Deputación tén moito traballo ou non; os veciños en todo caso o que queren é que se lles respecte os seus dereitos. Ademáis, calquera persoa que esteña no asunto sabe que o servicio de recaudación da Deputación é un servicio que vén funcionando desde hai máis de quince anos con solvencia e eficacia.

5 .- A Deputación non pode saltarse o “ordenamento xurídico local”, ou seña, a ordenanza municipal, xa que ésta está en vigor e polo tanto tén plena vixencia. É máis, a Deputación non se tén dirixido ó Concello para facer ningunha modificación ó respecto e nin tan siquera tén adoptado ningún acordo sobre o asunto.

6 .- Polo tanto, este ano tíñase que ter pasado ó cobro o primeiro 50% dos recibos domiciliados no mes de xuño, e o segundo 50% debería pasarse en outubro. Pero non vai ser así, pagaremos todo xunto en outubro.

7 .- Resulta patético ver cómo o Sr. Llano parece defender á Deputación pero en realidade escúdase nela para non asumir ningunha responsabilidade, nin tan siquera a de pedir disculpas por non ter avisado en tempo e forma (a principios de xuño, e través da prensa e de bandos) do que ía pasar.

8 .- Recoñecer erros e asumir responsabilidades é mesmo sano como hixiene mental persoal. Por desgracia, hai persoas que nunca teñen a culpa de nada, nin endexamáis recoñecen erros. Alá eles coa súa hixiene mental…. O Sr. Llano é un deles. Pero él sabe que un coxo sempre corre máis ca un mentiroso….

Asdo., O GRUPO MUNICIPAL POPULAR DE BURELA.