Barreiros 9-8-16. A reaparición de Reigosa dará brillo á 13ª edición do Torneo Internacional de volei-praia “Praia da Pasada”, en San Miguel de Reinante (Barreiros)
A cita será este mércores 10 de agosto, a partir das 12 da mañá.
Chega o xa clásico torneo veraniego de volei-praia ao areal barreirense da Pasada, e faino co aliciente do regreso á area do mítico xogador laurentino Javier Reigosa, que se reencontrará coa súa inseparable parella, o incombustible Roberto Casas, co que a bo seguro farán as delicias de todos/as asistentes. Xuntos, tratarán de reeditar antigas glorias para demostrar así que o seu exitoso ciclo aínda non chegou ao seu fin.
Alén disto, o torneo conta con outros alicientes, como a presenza doutras clásicas parellas, como as formadas por Luna e Juanjo Lacasta ou a parella portuguesa composta por Joao e Carlos Winck. O sempre impredecible Jose Abanda, formará dupla cun Rodrigo Avendaño que ven apuntando grandes actuacións e que mira cara o futuro con renovadas esperanzas, unha vez se desprendeu do lastre que supoñían as tiranteces existentes co seu antigo compañeiro, Guillermo Avendaño. Precisamente, este último afronta esta cita como unha das grandes esperanzas de futuro no volei barreirense, formando parella con Carmen Souto, que se estrea nesta edición.
Outros dos habituais participantes están á espera de limar diferenzas para rematar de conformar as equipas participantes. Esperase tamén a participación de diferentes equipos chegados dende A Coruña e Asturias.
Asimesmo, anímase a calquera persoa interesada a achegarse á praia da Pasada o próximo mércores, día 10, ás 11,30 da mañá, para formalizar a inscrición ou para asistir como público. Recoméndase levar bocadillo.
Como cada ano, a xornada culminará cunha fraternal churrascada aberta a todos/as participantes.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
