Mañón 26-8-16. As xornadas “Memoria dun tempo” que organiza Nordés no concello de Mañón escomenzaron este xoves cunha conferencia do historiador e profesor da Universidade de Vigo, Julio Prada, cunha asistenza de público de arredor de 40 persoas, que non dubidaron á hora de plantexar cuestións ó poñente despois da súa exposición, o cal fixo que o acto se alongara máis aló da hora prevista para o seu remate, algo que se agradeceu polo interese das intervencións habidas.
Para este venres está prevista a realización dun acto en dúas partes baixo o título de “Vivas en nós. Memoria de mulleres libres e vida liberada fronte á ditadura”, e que consistirá nunha primeira exposición a cargo de Carme Blanco, profesora da Universidade de Santiago, poeta e ensaísta, para despois, xa na segunda parte, darlle entrada ós versos na loita pola recuperación histórica cun recital poético de Carme Blanco e Claudio Rodríguez Fer.
O sábado 27 será o derradeiro día das xornadas, e é tamén o que acumula máis actos. Así, deste xeito, o programa recolle a IV Homenaxe a Republicanos/as e Libertarios/as na Ponte Vella, que terá lugar á 1 da tarde, e a que seguira un xantar de irmandade no Restaurante “A Goleta”, para o cal hai que reservar chamando ó 653756454 (Ricardo) pois tan soio hai 25 prazas.
A xornada seguirá coa proxección da película documental “A pegada dos avós”, de Xosé Abad, e coa presenza dunha das súas protagonistas, Aitana Tubío, para falarnos da experiencia do rodaxe e do seu contido. Este film fala de cómo un grupo de rapaces e rapazas de Bacharelato dun Instituto galego adéntrase no coñecemento da memoria histórica da súa cidade a través do estudo de dous casos “deses que non veñen nos libros de texto”. É por iso que recomendamos o visionado desta película para tódolos públicos, pero especialmente para profesionais do ensino e, sobre todo, estudantes de Secundaria e Bacharelato. A proxección terá lugar ás 20:30 horas na Casa do Concello de Mañón (O Barqueiro)
Para o peche das xornadas, e como xa ben sendo habitual, será a música que tomará o relevo, e para elo nesta ocasión temos a honra de contar cun grande da canción de autor galega: Miro Casabella, quen compartirá escenario co músico ourensán e membro de Nordés: Andrés Rodríguez. O novo local do “Bar Queiro” será quen acolla o final destas VI Xornadas que agardamos foran do agrado da xente que tivo a ben asistir a elas.