Lugo, 29 de setembro de 2016.- A Xunta de Galicia e a Deputación de Lugo constituíron este xoves a Mesa Provincial dos Camiños de Santiago co obxectivo de poñer en valor as rutas xacobeas que transcorren pola provincia de maneira coordinada entre as administracións locais, provincial e autonómica así como os outros axentes implicados.
A iniciativa foi impulsada por Turismo de Galicia, ao abeiro do Plan Director e Estratéxico do Camiño de Santiago trala constitución e efectividade das mesas provinciais de Pontevedra e Ourense, e acollida pola Deputación de Lugo.
O acto contou coa participación do xerente do Xacobeo, Rafael Sánchez Bargiela, do presidente da Deputación de Lugo, Darío Campos Conde, da directora xeral de Patrimonio, María del Carmen Martínez Insua, e do deputado de Promoción do Territorio e Turismo da Deputación de Lugo, Eduardo Vidal Baamonde.
Durante a súa intervención, o xerente do Xacobeo analizou o traballo de Turismo de Galicia en torno ao Camiño de Santiago, facendo especial fincapé nas actuacións realizadas na provincia de Lugo.
Rafael Sánchez destacou a importancia do Plan Director e Estratéxico do Camiño de Santiago como folla de ruta que marca as estratexias de Galicia de cara ao vindeiro Ano Santo 2021.
Neste sentido, expuxo as principais actuacións de Turismo de Galicia no que se refire ao Camiño de Santiago resaltando, entre outras, a aposta pola Rede Pública de Albergues coa rehabilitación da Casa de Pasarín para a súa conversión en albergue de peregrinos en A Fonsagrada, o acondicionamento do albergue de Ferreiros en Paradela ou a dotación de rede wifi, entre outras iniciativas.
Así mesmo, fixo referencia ás intervencións levadas a cabo en relación á conservación e sinalización do Camiño, entre as que destacou, entre outras, a recuperación e sinalización do Camiño Francés adaptada á delimitación oficial, a redacción do proxecto e inmediata adxudicación da recuperación e sinalización do Camiño Primitivo e Camiño Norte adaptadas, do mesmo xeito, á delimitación oficial ou as obras de acondicionamento de diversos treitos do Camiño Primitivo.
Por outra parte, Sanchez Bargiela resaltou outras importantes iniciativas como o traslado do Centro de Interpretación do Camiño Norte en Mondoñedo, a posta en marcha de programas de cultura xacobea como Cultura no Camiño ou Vive o Camiño así como as accións de formación e promoción en torno ás Rutas Xacobeas.
Mesas sectoriais
Unha vez configurada a Mesa Provincial, tivo lugar o acto de constitución das mesas sectoriais dos Camiños de Santiago.
Deste xeito, desenvolvéronse tres mesas de traballo: unha institucional, unha formada polas
Asociacións xacobeas e, por último, unha mesa técnica.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
