O Director Xeral de Ordenación Pesqueira do Ministerio de Agricultura, Alimentación e Medio Ambiente (MAGRAMA), Carlos Larrañaga, foi o encargado de poñer punto e final a unha exitosa segunda edición da Interfederativa de Confrarías do Cantábrico Noroeste. O encontro, organizado pola Federación Provincial de Confrarías de Pescadores de Lugo e celebrado en Burela os pasados días 12 e 13 de setembro, reuniu a delegados das oito agrupacións de depósitos do caladoiro Cantábrico-Noroeste e a representantes tanto da administración central como dos gobernos autonómicos de Galicia, Asturias, Cantabria e País Vasco, para tratar temas do interese da frota artesanal.
Larrañaga pechou o congreso cunha intervención na que expuxo o Programa Operativo de España 2014-2020. O representante do Ministerio de Agricultura, Alimentación e Medio Ambiente explicou as prioridades de financiamento que establece o Fondo Europeo Marítimo e de Pesca (FEMP): o fomento da pesca e acuicultura sustentables e competitivas; a aplicación da Política Pesqueira Común (PPC); o aumento do desenvolvemento e a cohesión territorial; promover a comercialización e a transformación; e implementar a Política Marítima Integrada (PMI).
O Director Xeral de Ordenación Pesqueira resaltou que o regulamento ten como fin “impulsar unha serie de medidas de acompañamento e de apoio financeiro para conseguir os obxectivos que persegue a PPC”. O representante do Goberno central precisou que España recibirá 1.161 millóns de euros do FEMP para o período 2014-2020, co fin de asegurar “a sustentabilidade ambiental, económica e social” do sector pesqueiro.
Larrañaga valorou a Interfederativa de Confrarías do Cantábrico Noroeste como un evento “útil, que nos serve para coñecer de primeira man os problemas e as dúbidas que poida ter a frota artesanal”. Así, animou a convocar reunións deste tipo cunha maior frecuencia. “É un exemplo do que temos que facer”, asegurou, “profundar no diálogo entre as administracións e o sector”.
O alcalde de Burela, Alfredo Llano, destacou no acto de clausura a importancia da pesca na economía do municipio burelense e avogou por un sector que sexa capaz de “manter o atractivo entre a xente nova”, como forma de asegurar a necesaria substitución xeracional.
Pola súa banda, o Presidente da Federación de Confrarías de Pescadores de Lugo, Basilio Otero, agradeceu aos asistentes a súa presenza e fixo fincapé na importancia da novidade da presente edición: a xornada conxunta de traballo que reuniu a representantes do sector e os representantes das administracións; o Director Xeral de Ordenación Pesqueira do MAGRAMA e os Directores de Pesca das comunidades autónomas do caladoiro Cantábrico-Noroeste. “Consideramos positivo non só poñer en común os nosos problemas e inquietudes, senón tamén presentarllos aos representantes das administracións. Puidemos mirarnos aos ollos e puideron comprobar a nosa cara de preocupación”, sinalou.
ENCONTRO ENTRE A ADMINISTRACIÓN E As CONFRARÍAS DE PESCADORES DO CANTÁBRICO NOROESTE
Durante a reunión Interfederativa de Confrarías do Cantábrico Noroeste, celebrada o luns, os representantes dos depósitos acordaron unha serie de temas que serviron como documento de traballo na reunión que este martes pola mañá mantivo o sector pesqueiro artesanal coa Administración.
A esta reunión de traballo conxunta entre representantes dos depósitos e das administracións pesqueiras asistiron os Directores de Pesca das catro autonomías convocadas: Galicia, Asturias, Cantabria e País Vasco; así como o Director Xeral de Ordenación Pesqueira de SEGEPESCA, Carlos Larrañaga, que posteriormente sería o encargado de clausurar a Segunda Interfederativa de Confrarías do Cantábrico-Noroeste.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
